قازاقستاندا تابىستى جۇمىس ىستەپ كەلە جاتقان نارىقتىق ەكونوميكا مودەلى قالىپتاسقان. «100 ناقتى قادام» ۇلت جوسپارى, نەگىزىنەن ۇزاق مەرزىمگە ارنالعان جانە جوسپارلى تۇردە ىسكە اسىرىلۋدا. ءبىزدىڭ ۇزاق مەرزىمدى ماقساتتارىمىز وزگەرىسسىز قالا بەرەدى. قازاقستان الەمدەگى ءتۇرلى سىناقتارعا توتەپ بەرىپ, قارقىندى ەكونوميكالىق دامۋ جولىنا بەت العان. وسىنى باسا ايتقان ەلباسى الداعى ون مىندەتتى اتاپ ءوتتى. ونىڭ ىشىندە الەۋمەتتىك سالاعا دا ءجىتى كوڭىل ءبولىندى. ۇلتتىڭ الەۋەتىن ارتتىرۋ ءۇشىن مادەنيەتىمىز بەن يدەولوگيامىزدى ودان ءارى دامىتۋ قاجەتتىگىن, ءوزىنىڭ تاريحىن, ءتىلىن, مادەنيەتىن بىلەتىن, سونداي-اق زامانىنا لايىق, شەت تىلدەرىن مەڭگەرگەن, وزىق ءارى جاhاندىق كوزقاراسى بار قازاقستاندىق ءبىزدىڭ قوعامىمىزدىڭ يدەالىنا اينالۋىنا ءتيىس ەكەندىگىن اتاپ ءوتتى.
قازىرگى دەنساۋلىق ساقتاۋ ءىسى نەگىزىنەن اۋرۋدىڭ الدىن الۋعا باعىتتالعان. سالاماتتى ءومىر سالتىن ناسيحاتتاۋ جۇمىستارى ءارى قاراي جالعاسادى. حالىقتىڭ ءومىر ءسۇرۋ ۇزاقتىعىن ارتتىرۋ ءۇشىن مەديتسينالىق قىزمەت كورسەتۋگە دەگەن سۇرانىس ارتا تۇسەتىنىنە اۋداننىڭ مەديتسينا قىزمەتكەرلەرى تۇسىنىستىكپەن قاراۋدا.
ول ءۇشىن مەديتسينا قىزمەتكەرلەردىڭ كاسىبي ءبىلىم دەڭگەيىن ارتتىرۋ جۇمىستارى جالعاسىن تابادى, ساپاسىنا كوڭىل بولىنەدى.
ونكولوگيالىق اۋرۋلارمەن كۇرەسۋ ءۇشىن بەس جىلدان بەرى سكرينينگتىك تەكسەرۋ شارالارى جۇرگىزىلۋدە. اۋدانىمىزدا ونكولوگيالىق اۋرۋلاردى ەرتە انىقتاۋ جۇمىستارى بەلسەندى جۇرگىزىلۋدە, جىلدان-جىلعا قاتەرلى سىرقاتتىڭ اسقىنعان ءتۇرى ازايۋدا.
اۋدان بويىنشا ماتەريالدىق-تەحنيكالىق بازا نىعايتىلۋدا: التى ەلدى مەكەندە تيپتىك ۇلگىدەگى دارىگەرلىك امبۋلاتوريالار پايدالانۋعا بەرىلدى. 2017 جىلى 108 ميلليون تەڭگەگە اسا قاجەتتى مەديتسينالىق قۇرال-جابدىقتار ساتىپ الىندى. دەنساۋلىق ساقتاۋ سالاسى حالىقتىڭ, مەملەكەتتىڭ جانە جۇمىس بەرۋشىنىڭ ورتاق جاۋاپكەرشىلىگىنە نەگىزدەلگەن, وسىعان وراي اۋدان بويىنشا مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋگە تولىققاندى دايىندىق جۇمىستارى جۇرگىزىلدى.
جولداۋدا اقپاراتتىق جۇيەلەردى بىرىكتىرۋ, موبيلدىك تسيفرلى قوسىمشالاردى قولدانۋ, ەلەكتروندى دەنساۋلىق پاسپورتىن ەنگىزۋ, «قاعاز قولدانبايتىن اۋرۋحاناعا» كوشۋ ارقىلى مەديتسينالىق كومەكتىڭ قولجەتىمدىلىگى مەن تيىمدىلىگىن ارتتىرۋ قاجەتتىگى اتاپ ءوتىلدى. بۇگىنگى تاڭدا شەت اۋداندىق ورتالىق اۋرۋحاناسى مەن دارىگەرلىك امبۋلاتوريالاردا تسيفرلى اقپاراتتىق جۇيەلەر قولدانىسقا ەنگىزىلۋدە. اۋرۋلارعا كورسەتىلەتىن دارىگەرلىك قىزمەت كەشەندى مەديتسينالىق-اقپاراتتىق جۇيەمەن اتقارىلۋدا جانە بۇل جۇيە ارقىلى ەمحانا دارىگەرلەرى وبلىس كولەمىندەگى جوعارى دەڭگەيلى اۋرۋحانالارمەن تىعىز بايلانىستا. دياگنوزدى ناقتىلاۋعا جوعارى دەڭگەيدەگى كلينيكالارعا كەز كەلگەن قاجەتتى جاعدايدا جىبەرۋگە مۇمكىندىك جاسالعان. ەلەكتروندى دەنساۋلىق پاسپورتىن ەنگىزۋ, ەكى موبيلدىك تسيفرلى قوسىمشالار جۇمىسى اتقارىلۋدا. مەديتسينالىق كادرلارمەن قامتاماسىز ەتۋ ماسەلەسى اۋدان اكىمىنىڭ قولداۋىمەن اۋدان بويىنشا بىرتىندەپ ءوز شەشىمىن تاۋىپ كەلەدى. وتكەن جىلى اۋرۋحانامىز 12 دارىگەر مامانمەن تولىقتى, ونىڭ التاۋى – جاس مامان. جوعارى ساناتتى حيرۋرگ مامان كەلۋىنە وراي وتا جاساۋدىڭ ءارتۇرلى ادىستەمەلەرى ەنگىزىلۋدە.
ەلباسىمىزدىڭ جولداۋى بولاشاقتاعى جولىمىزدى ايقىنداپ بەردى. ەڭ باستىسى, وسى جولداۋدى جۇزەگە اسىرۋداعى نەگىزگى جەتىستىگىمىز حالقىمىزدىڭ ءال-اۋقاتىن جاقسارتۋ بولماق. قول جەتكىزگەن تابىستارعا توقمەيىلسۋگە بولمايدى. ەلباسى اتاپ كورسەتكەندەي, قازاقستان تاۋەلسىزدىگىنىڭ ءۇشىنشى ونجىلدىعىنا دۇرىس باعىتتا قادام باسۋ ءۇشىن بىزگە ءالى كوپ جۇمىس ىستەۋگە تۋرا كەلەدى.
حاۋاريرا ابىتاەۆا,
وبلىستىق ءماسليحاتتىڭ دەپۋتاتى
قاراعاندى وبلىسى,
شەت اۋدانى
