الەمنىڭ شارتاراپىنان جۇزدەگەن سۋرەتشى قاتىسقان بايقاۋعا ءار قىلقالام شەبەرى ءجۇز سۋرەتىن جىبەرگەن. سولاردىڭ اراسىنان جيىرما جەتى ادام ۇزدىك دەپ باعالانعان. جۇلدەگەرلەر اراسىندا ادريان پالماس (ارگەنتينا), الەكسەي تاليمونوۆ ( ۇلىبريتانيا), اسكين ايرانچيوگلۋ (تۇركيا), كورنەل چيورەان (رۋمىنيا), داركو درجەۆيچ (چەرنوگوريا), ەميليو يسكا (يتاليا), ەراي وزبەك (تۇركيا) فيرۋز كۋتالميش (نورۆەگيا), كاپۋستا نيكولاي (ۋكراينا), ماحمۋد بارحوردار (يران) سەكىلدى قىلقالام شەبەرلەرى بار. ءبىر قىزىعى, قىتايدا وتكەن بۇل بايقاۋدا جۇلدەگەرلەردىڭ اراسىندا بىردە-ءبىر قىتاي ازاماتى جوق. مۋلتيپليكاتورلار فەدەراتسياسىنىڭ حالىقارالىق ۇيىمى ۇيىمداستىرعان بايقاۋدا الەمنىڭ ۇزدىك سۋرەتشىلەرى تورەلىك ەتكەن.
كاريكاتۋرا – قوعامداعى كەلەڭسىز قۇبىلىستارعا سىني-الەۋمەتتىك كوزقاراستى بىلدىرەتىن ونەر. سوڭعى ۋاقىتتاردا كاريكاتۋرا ورىندالۋ جاعىنان دا ءبىرشاما دامىپ, ءوز وكىلدەرىنە دە جوعارى تالاپ قويا باستاعان. يران, تۇركيا, قىتاي, يتاليا, پولشا, بەلگيا, ازەربايجان, حورۆاتيا سياقتى مەملەكەتتەردە وتە جاقسى دامىعان بۇل ونەردىڭ تۇرىنەن جىلىنا بىرنەشە ۇلكەن كونكۋرستار ۇيىمداستىرىلادى. مىڭ جارىم ادامعا دەيىن قاتىساتىن بۇل سايىستاردا ۇزدىك جۇزدىككە كىرۋدىڭ ءوزى ۇلكەن جەتىستىك. ايداربەك عازيز ۇلى قازاق كاريكاتۋراشىلارىنىڭ ىشىندە الەمدىك سايىستاردان جۇلدەگەر بولىپ جۇرگەن ساناۋلى ونەر يەلەرىنىڭ ءبىرى.
ايداربەك عازيز ۇلىنىڭ كەزەكتى جەڭىسىمەن قۇتتىقتاپ, مول شىعارماشىلىق تابىس تىلەيمىز!
باعاشار تۇرسىنباي ۇلى,
«ەگەمەن قازاقستان»
