ءبىزدىڭ قالانىڭ ءومىرىن ترامۆايسىز كوزگە ەلەستەتۋ مۇمكىن ەمەس. ءدۇرس-ءدۇرس, تىنىمسىز تىرشىلىك. قالالىقتار وزدەرىنە ەش بوگەت جاسامايتىن بۇل داۋىسقا ابدەن ۇيرەنگەن. ويتكەنى تراۆماي – قالاداعى جوعارى سۇرانىسقا يە قوعامدىق كولىكتىڭ ءبىرى. 40 جىلدان اسا قالا تۇرعىندارىنا قىزمەت ەتىپ كەلەدى. قالالىق «ترامۆاي باسقارماسى» اق ەسكى ترامۆايلاردى تولىعىمەن جاڭعىرتۋدان وتكىزبەك. بيىل بەلارۋس ەلىنەن جاڭا ترامۆايلار ساتىپ الىندى. الداعى ۋاقىتتا دا جاڭا ترامۆاي قاتارى كوبەيمەك. كاسىپورىن ماماندارىنىڭ ايتۋىنشا, ترامۆاي تاۋلىگىنە 47 مىڭداي جولاۋشىنى تاسىمالدايدى. ترامۆاي تۇندە دە جۇرەدى. رەلستى جول بويىنا 77 ۆاگون شىعادى.
قالالىق ءماسليحات دەپۋتاتى يگور ۆەرەتنوۆ زەرتتەۋ جۇمىستارىن جۇرگىزىپ, ترامۆاي جولىن ەندى كەنجەكول اۋىلىنا دەيىن ۇزارتۋ ماسەلەسىن ۇسىنىپ وتىر. بۇل اۋىل وبلىس ورتالىعىنىڭ ىرگەسىندە تۇر. اۋىلدىق وكرۋگ اۋماعىنا قارايتىن بايدالا, دولگوە, اۋەجاي اۋىلدارىندا 8 مىڭداي حالىق تۇرادى. ال «ترامۆاي باسقارماسى» اق كاسىپورنى قالانىڭ الداعى باس جوسپارىندا اۋىلعا دەيىن باراتىن جولدىڭ اۋەجاي جانە اۋە قالاشىعى, جاڭادان بوي كوتەرەتىن «دوستىق» شاعىن اۋدانى ارقىلى وتەتىن جول سالىنسا – جولاۋشىلار اعىنى جەتكىلىكتى بولار ەدى, دەيدى.
فاريدا بىقاي,
«ەگەمەن قازاقستان»
پاۆلودار
