ۇكىمەتتە مەديتسينالىق ۇيىمدارداعى كورپوراتيۆتىك باسقارۋ شارالارى قارالدى

تەحنيكالىق رەتتەۋ جۇيەسى جەتىلەدى

جيىندا تەحنيكالىق رەتتەۋ جۇيەسىن جەتىلدىرۋ جايىندا ينۆەستيتسيالار جانە دامۋ ءمينيسترى جەڭىس قاسىمبەك باياندادى. ءمينيستردىڭ مالىمدەۋىنشە, تەحنيكالىق رەتتەۋدىڭ قولدانىستاعى ينفراقۇرىلىم جۇيەسى ءتورت نەگىزگى باعىتتى قامتيدى. ولار – تەحنيكالىق رەتتەۋ مەن ستاندارتتاۋ, مەترولوگيا, اككرەديتتەۋ جانە سايكەستىكتى باعا­لاۋ, سونداي-اق مەملەكەتتىك باقىلاۋ. جال­پى, جۇيەنى جەتىلدىرۋ ەكى كەزەڭدە جۇزە­گە اسىرىلماق. ءبىرىنشىسى, بيىل «ستان­دارتتاۋ تۋرالى» جاڭا زاڭدى جانە مەترولوگيا مەن اككرەديتتەۋ سالاسىن­داعى جۇمىستاردى جانداندىرۋ جانە جەتىلدىرۋ تۋرالى زاڭناماعا ەنگىزىلەتىن باسقا دا وزگەرىستەردى قابىلداۋ جانە ىسكە اسىرۋ بويىنشا شارالار قابىلدانادى. ەكىنشىسى, 2018-2020 جىلدارى سايكەستىكتى باعالاۋ جانە مەملەكەتتىك باقىلاۋ جۇيەسىن جەتىلدىرۋ جۇرگىزىلەدى.

بۇگىندە «ستاندارتتاۋ تۋرالى» زاڭ جوباسى ازىرلەنگەن, ونىڭ اياسىندا اۆتو­مات­تاندىرىلعان جۇيەلەر – ستاندارتتاۋ پروتسەستەرىنىڭ ستاندارتتاۋ جونىندەگى ۇلتتىق ورگان ارقىلى جۇمىس ىستەيتىن بىرىڭعاي وپەراتورى انىقتالماق.  

مينيستر مەترولوگيا سالاسىندا دا جۇمىستار ءجۇرىپ جاتقانىن اتاپ ءوتتى. «سايكەستىكتى باعالاۋ سالاسىنداعى اككرەديتتەۋ تۋرالى» زاڭعا وزگەرىستەر ەن­گىزۋ اككرەديتتەۋ جۇيەسىن جەتىلدىرۋگە جانە اتالعان سالا سۋبەكتىلەرىنىڭ جاۋاپ­كەرشىلىگىن ارتتىرۋعا باعىتتالعان.

تەحنيكالىق رەتتەۋ جۇيەسىن جەتىل­دىرۋدىڭ ەكىنشى كەزەڭى سەرتيفيكاتتاۋ سىناقتارىنىڭ ناتيجەلەرىنە ءوزارا سەنىمدى تومەندەتۋ جانە يمپورت­تاۋشى­لار­دىڭ «تاۋارلاردى شارتتى تۇردە شىعارۋ» كەدەندىك ءرəسىمى ارقىلى سەر­تي­­في­كاتتاۋدان ءوتۋىن بولدىرماۋ سياق­تى تۇيتكىلدى مəسەلەلەردى شەشۋگە باعىت­­تالعان. مينيستر بۇل باعىتتاعى جۇمىس­تار بۇگىندە باستالعانىن جەتكىزدى.

مينيسترلىك مەملەكەتتiك باقىلاۋ سالاسىندا قابىلدانعان شارالاردىڭ تيiمدiلiگiن ارتتىرۋ ماقساتىندا مەملە­كەتتiك ورگانداردىڭ وكiلەتتiكتەرiن سارالاۋدى ۇسىنباق.

بۇدان ءارى ج.قاسىمبەك تەحنيكالىق رەتتەۋ جۇيەسىن اۆتوماتتاندىرۋ جانە تسيفر­لاندىرۋ تۋرالى ايتا وتىرىپ, قازىرگى تاڭدا ەۋرازيالىق ەكونوميكالىق كو­ميس­سياعا سايكەستىك تۋرالى دەكلاراتسيا­لار مەن سەرتيفيكاتتار جونىندە مالىمەت بەرۋ جۇمىستارى جۇرگىزىلىپ جاتقانىنا توق­تالدى. سونداي-اق «E-كترم» بىر­ىڭعاي اقپاراتتىق جۇيەسىن قۇرۋ بويىنشا جۇمىس جۇرگىزىلەتىنىن اتاپ ءوتتى. ول قازاقستانداعى جانە ەاەو اياسىنداعى بارلىق ۇدەرىستەردى اۆتوماتتاندىرادى جانە بىرىكتىرەدى.

شوب ءونىمى ءوستى

شاعىن جانە ورتا بيزنەستى دامىتۋ بو­يى­نشا قولعا الىنعان شارالار تۋرالى ۇكىمەت وتىرىسىندا ۇلت­­تىق ەكو­نوميكا ءمينيسترى تيمۋر سۇلەي­مەنوۆ باياندادى. ءمينيستردىڭ ايتۋىن­­شا, جۇمىسپەن قامتۋدىڭ, ين­ۆەس­تي­تسيالار تارتۋدىڭ نەگىزگى كوزى, ەكون­و­مي­كانىڭ باسەكەگە قابىلەتتىلىگىن قالىپتاس­تىرۋدىڭ ىرگەتاسى بولىپ تابىلاتىن ەكونوميكانىڭ اتالعان سەكتورىن دامىتۋ – ۇلتتىق ەكونوميكا مينيسترلىگى جۇمى­سىنىڭ نەگىزگى باسىمدىعى. اتالعان باعىت­تاعى جۇمىس مەملەكەتتىك رەتتەۋدى جەتى­لدىرۋ جانە بيزنەس احۋالدى جاقسارتۋ; قارجى­لاندى­رۋعا قولجەتىمدىلىكتى ارتتىرۋ جانە قولداۋ شارالارىن جەتىلدىرۋ; سا­لالىق كەدەرگىلەردى جويۋ سياقتى ءۇش جۇ­يەلىك بلوك بويىنشا جۇزەگە اسىرىلادى.

بۇگىندە «مەملەكەتتىك رەتتەۋدى جەتىل­دىرۋ جانە بيزنەس احۋالدى جاقسارتۋ» باعىتى بويىنشا سايكەس زاڭ جوباسى ازىرلەنگەن, وندا 100 زاڭ مەن 13 كودەكس­كە وزگەرىستى قامتيتىن شامامەن 1000 تۇزەتۋ بار. 

كەلەسى ماڭىزدى باعىت – كاسىپكەرل­ىك قىزمەتتى قارجىلاندىرۋعا قولجەتىم­دىلىكتى ارتتىرۋ بويىنشا قولداۋدىڭ باستى قۇرالدارى «بيزنەستىڭ جول كار­تاسى-2020» بيزنەستى قولداۋ مەن دامى­تۋدىڭ بىرىڭعاي باعدارلاماسى, ناتي­جەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى, سون­داي-اق حالىقارالىق قارجى ۇيىم­دارىنىڭ كرەديتتىك جەلىلەرى ەكەنى انىق. 

ءمينيستردىڭ مالىمدەۋىنشە, «بيز­نەستىڭ جول كارتاسى-2020» بيزنەستى قولداۋ مەن دامىتۋدىڭ بىرىڭعاي باعدارلاماسى اياسىندا 2017 جىلدىڭ قورىتىندىسى بويىنشا قولداۋ شارالارىمەن 192 مىڭنان استام كاسىپكەر مەن كاسىپكەرلىك باستاماسى بار ادامدار قامتىلعان, بۇل 2016 جىلمەن سالىس­تىرعاندا 10 پايىزعا ارتىق. ال سىي­اقى جانە كرەديتتەرگە كەپىلدىك بەرۋ مولشەرلەمەلەرىن سۋبسيديالاۋ ارقىلى قولداۋ كورسەتىلگەن كرەديت قورجىنى 286,6 ملرد تەڭگەنى قۇراعان. بارلىعى 3351 جوباعا قولداۋ كورسەتىلگەن, بۇل 2016 جىلمەن سالىستىرعاندا 10 پا­يىزعا ارتىق. 490 ملن تەڭگە سوماسى­نا 276 جوباعا مەملەكەتتىك گرانت ۇسى­نىل­عان, 12,1 ملرد تەڭگە سوماسىنا 25 جوبا­عا جەتىسپەيتىن ينفراقۇرىلىم جۇر­گى­زىلگەن, وقىتۋ باعدارلامالارىمەن جانە سەرۆيستىك قىزمەتتەرمەن 74,8 مىڭ جاڭا باستاعان جانە جۇمىس ىستەپ جاتقان كاسىپكەر قامتىلعان. وتكەن جىلدىڭ قورىتىندىسى بويىنشا باعدارلاماعا قاتىسۋشىلار 3,5 ترلن تەڭگە سوماعا ءونىم ءوندىرىپتى, 17,3 مىڭنان استام جۇمىس ورنى قۇرىلىپ, 217 ملرد تەڭگە سالىق تولەنگەن. 

شاعىن جانە ورتا بيزنەستى دامىتۋ بويىنشا تاعى ءبىر ماڭىزدى باعىت سالالىق كەدەرگىلەردى جويۋ بولىپ تابىلادى. وتكەن جىلدارداعى جۇمىستى ەسكەرە وتىرىپ, مينيسترلىك مۇددەلى مەملەكەتتىك ورگاندارمەن بىرگە 552 بيزنەستىڭ پروبلەمالى ماسەلەلەرىن قاراعان, ولاردىڭ 497-ءسى شەشىلگەن. ستاتيستيكا كوميتەتىنىڭ مالىمەتىنشە, جۇمىس ىستەپ تۇرعان بيزنەس سانى 2017 جىلدىڭ قورىتىندىسى بويىنشا 1 145 994 بىرلىكتى قۇرادى, بۇل 2016 جىلمەن سالىستىرعاندا 3,6 پايىزعا ارتىق. وعان قوسا, شوب-تا ءونىم ءوندىرىسى ەداۋىر وسكەن. وتكەن جىلدىڭ 9 ايىندا ءونىم ءوندىرىسى 14,4 ترلن تەڭگەنى قۇراعان.

باسقارۋ ىسىنە باسىمدىق بەرىلەدى

جيىندا قارالعان ءۇشىنشى ماسەلە – مەديتسينالىق ۇيىمدارداعى كورپورا­تيۆتىك باسقارۋ جانە مەنەدجمەنتتى دامىتۋ شارالارىن ىسكە اسىرۋ تۋرالى دەنساۋلىق ساقتاۋ ءمينيسترى ەلجان ءبىرتانوۆ باياندادى.

100 ناقتى قادام» ۇلت جوسپارىنىڭ 81-قادامىن, سونداي-اق قازاقستان رەس­پۋب­ليكاسىندا دەنساۋلىق ساقتاۋ سالا­سىن دامىتۋدىڭ 2016-2019 جىل­­دارعا ارنالعان «دەنساۋلىق» مەملە­كەتتىك باعدارلاماسىن ىسكە اسىرۋ شەڭ­بەرىندە دەنساۋلىق ساقتاۋ مي­نيستر­لىگى مەديتسينالىق ۇيىمداردا كور­پو­را­تيۆتىك باسقارۋدى جانە مەنەدج­مەنت پرينتسيپتەرىن ەنگىزۋ جۇمىسىن جۇر­گىزۋدە. بۇدان وزگە, مەملەكەت باس­شىسىنىڭ 2014 جىلعى قازاقستان حال­قىنا جولداۋىندا قازاقستاننىڭ الەمنىڭ ەڭ دامىعان 30 ەلىنىڭ قاتارىنا كىرۋى ءۇشىن ەىدۇ قاعيداتتارى مەن ستاندارتتارىن ەنگىزۋ مىندەتىن قويدى. وسىلايشا, قازاقستاندىق كومپانيالاردىڭ باسەكەگە قابىلەتتىلىگى مەن قىزمەتىنىڭ تيىمدىلىگىن ارتتىرۋ ماقساتىندا ەىدۇ-نىڭ كور­پو­راتيۆتىك باسقارۋ پرينتسيپتەرىن ەنگىزۋ ماسەلەسى وزەكتى بولىپ تابىلادى.

مينيستر اتاپ وتكەندەي, قازىر قازاق­­ستاننىڭ دەنساۋلىق ساقتاۋ ۇيىم­دارىنىڭ كوپشىلىگى بايقاۋ كەڭەستەرى بار شارۋاشىلىق جۇرگىزۋ قۇقىعىنداعى كاسىپورىندار (بك بار شجق رمك), اق پەن جشس سياقتى كورپوراتيۆتىك باسقارۋ ەلەمەنتتەرىن ەنگىزۋگە ىقپال ەتەتىن زاڭدى فورمالارعا اۋىستىرىلعان. بۇگىندە وڭىرلىك دەڭگەيدە مەملەكەتتىك دەنساۋلىق ساقتاۋ ۇيىمدارىنا ۇيىمداستىرۋ-ادىستەمەلىك قولداۋ كورسەتۋ بويىنشا بەلسەندى جۇمىس جۇرگىزىلۋدە. دەنساۋلىق ساقتاۋ مينيسترلىگىنىڭ بارلىق ۆەدوم­ستۆوعا قاراستى ۇيىمدارىندا جانە ءىشىنارا وڭىرلىك مەديتسينالىق ۇيىم­دارىندا ەنگىزىلگەن ۇلگىلىك كورپوراتيۆتىك قۇجاتتار اكتسيونەرلىك قوعام, شارۋا­شىلىق جۇرگىزۋ قۇقىعىنداعى مەملەك­ەت­تىك كاسىپورىن ءۇشىن ازىرلەنىپ, ەنگىزىلۋدە. سونداي-اق مەديتسينالىق ۇيىمداردىڭ رەسمي سايتتارىندا «كورپوراتيۆتىك باس­قارۋ» ءبولىمىن قۇرۋ ارقىلى مەديتسينالىق ۇيىمدار قىزمەتىنىڭ اشىقتىعىن قام­تاماسىز ەتۋ جۇمىستارى جۇرگىزىلۋدە.

دەنساۋلىق ساقتاۋداعى كوشباسشىلىق پەن مەنەدجمەنتتى دامىتۋ باعىتى اياسىندا ارنايى ءبىلىمى بار باسشىلاردى دايىنداۋ ءىسى وزەكتىلىگىن ساقتاۋدا. بۇل سالادا 3000-عا جۋىق توپ-مەنەدجەر قىزمەت اتقارادى. الايدا, مەديتسينالىق ۇيىم­دار باسشىلارىنىڭ 60 پايىزى تەك جوعارى مەديتسينالىق ءبىلىم يە­لەرى, ارنايى مەنەدجمەنت سالاسىندا جوعارى ءبىلىم الماعان ازاماتتار ەكەن. ءبىرىنشى باسشىلاردىڭ تەك 13,5 پا­يى­زى ءارتۇرلى ماماندىق بويىنشا ماگيستر دارەجەسىن العان. وسى رەتتە ە.ءبىرتانوۆ مەديتسينالىق ۇيىمداردى ارنايى دايىندىقتان وتكەن باسشىلار باسقارۋى تيىستىگىن باسا ايتتى. 
ماسەلەنى تالقىلاۋ قورىتىندىسىندا ە.ءبىرتانوۆ كورپوراتيۆتىك باسقارۋدى جانە مەنەدجمەنتتى دامىتۋ بويىنشا جۇمىس جالعاساتىنىن جەتكىزدى. مەديتسينالىق ۇيىمدارداعى ءتيىمدى كورپوراتيۆتىك باسقارۋ مەن مەنەدجمەنت ءۇشىن ەىدۇ باسقارۋ پرينتسيپتەرىنە سايكەس كورپوراتيۆتىك باسقارۋ پرينتسيپ­تەرى مەن تۇسىنىكتەرىن زاڭناما تۇرىندە بەكىتۋ جوسپارلانعان. 

دينارا بىتىك, 
«ەگەمەن قازاقستان»