«قازاق ءباسپاسوزىنىڭ قارا شاڭىراعى – «ەگەمەن قازاقستان» گازەتىنىڭ جىل قورىتىندىسىنا ارنالعان ءباسپاسوز ءماسليحاتىنا كەلىپ, قولداۋ كورسەتكەندەرىڭىز ءۇشىن بارشاڭىزعا ريزاشىلىعىمدى بىلدىرەمىن!
وتكەن 2017 جىلى «ەگەمەن قازاقستان» گازەتى اقپارات جانە كوممۋنيكاتسيالار مينيسترلىگى بەكىتكەن «ستراتەگيالىق دامۋ تۇجىرىمداماسىنا» سايكەس, 2017 جىلى الدىنا قويعان بارلىق ماقسات-مىندەتتەردى تولىقتاي ىسكە اسىردى.
ءبىز وسى تۇجىرىمدامادا گازەتتىڭ شىعارماشىلىق-وندىرىستىك قىزمەتىندە «سەگىز س-دان» تۇراتىن قاعيداتتى باسشىلىققا الاتىنىمىزدى جاريالاعان ەدىك. سونىڭ ىشىندە سەنىمدى اقپارات, ساۋاتتى ءارى ساپالى ساراپتاما, سىني ماقالالارعا كوبىرەك ورىن بەرىپ, سايتتى جاڭعىرتۋعا كۇش سالدىق. ناتيجەسىندە باس باسىلىمدا فورماتتىق, ديزايندىق جانە مازمۇندىق وزگەرىستەر تۇبەگەيلى ورنىقتى. «ەگەمەن قازاقستان» مەملەكەتتىك ساياساتتىڭ باس جارشىسى ءارى اقپارات ايدىنىنداعى فلاگمانى رەتىندەگى ءرولىن ايتارلىقتاي كۇشەيتتى», دەدى دارحان قىدىرəلى.
ونىڭ سوزىنشە, «گازەت وقىلمايدى» دەگەن پىكىرلەر ايتىلىپ جۇرگەنىنە قاراماستان «ەگەمەننىڭ» تاجىريبەسى مەن جەتىستىكتەرى جىل سايىن ارتىپ كەلەدى. بۇعان دəلەل رەتىندە «ەگەمەن قازاقستاننىڭ» باسقارما توراعاسى بىلتىرعى نەگىزگى كورسەتكىشتەرىن اتاپ ءوتتى.
«گازەتتىڭ «ستراتەگيالىق دامۋ تۇجىرىمداماسىنداعى» مىندەتتەردى تابىستى جۇزەگە اسىرۋ ارقىلى 2017 جىلى تيراج سانى بويىنشا قازاقستان باسىلىمدارى اراسىندا ەڭ جوعارى كورسەتكىشكە قول جەتكىزدىك. بىلتىر تيراجىمىز 204 مىڭنان استى. 2018 جىلعا جازىلىم ناۋقانى ءجۇرىپ جاتىر, قازىرگى كورسەتكىش – قازپوشتا بويىنشا 206 مىڭنان اسىپ وتىر», دەدى دارحان قىدىرəلى. باسقارما توراعاسىنىڭ ايتۋىنشا, باسىلىم اقپارات نارىعىنا, وقىرماندار كونتينگەنتىنە تالداۋ جاساي وتىرىپ, گازەت ماتەريالدارىنىڭ ساراپتامالىق سيپاتىن ارتتىرۋعا كۇش سالعان. «ەگەمەن» وقىرماندارىنىڭ باسىم بولىگى بيۋدجەت قىزمەتكەرلەرى, سونىڭ ىشىندە مۇعالىمدەر ەكەنىن ەسكەرە وتىرىپ, مۇعالىمدەر مەن مەكتەپ وقۋشىلارىنا ء(«تالىم», «ۇبت-عا دايىندىق», ء«بىلىم»), جالپى كوپشىلىككە («ادەبيەت», «ايەل الەمى») ارنالعان جوبالاردى قولعا العان.
«جاڭادان ايدارلار اشۋ ارقىلى گازەتتىڭ رەسمي قىرىنان بولەك, بۇقارالىق سيپاتى مەن مازمۇنى ۇلعايدى. حالىقتى, قالىڭ كوپشىلىكتى تولعاندىراتىن, قوعامدىق-ساياسي, الەۋمەتتىك-ەكونوميكالىق ماڭىزى بار وزەكتى ماسەلەلەردى ءجيى كوتەرىپ, ولاردى ءبىرىنشى بەتتەن باستاپ جاريالاۋعا باسىمدىق بەرىلدى. ناتيجەسىندە, «ەگەمەندە» كوتەرىلگەن ماسەلەلەر قوعامدىق رەزونانس تۋدىرىپ, ءتيىستى مەملەكەتتىك ورگانداردىڭ نازارىنا ىلىكتى.
وسىلايشا گازەت مەملەكەتتىك ساياساتتى حالىققا جەتكىزۋمەن قاتار, حالىقتىڭ ءسوزىن دە ءتيىستى قۇزىرەتتى ورگاندارعا جەتكىزۋشى ءرولىن كۇشەيتتى», دەدى دارحان قىدىرəلى. سونىمەن قاتار ول ەلباسىنىڭ «بولاشاققا باعدار: رۋحاني جاڭعىرۋ» ماقالاسى ەڭ الدىمەن «ەگەمەندە» جارىق كورگەنىن ەسكە الدى. «ماقالانى كوپتەگەن شەتەلدىك باسىلىمدار بىزدەن كوشىرىپ باستى, گازەتىمىزگە جانە سايتىمىزعا سىلتەمە جاسادى. وسى جايت تا گازەتتىڭ رەسپۋبليكا ىشىندە عانا ەمەس, ودان تىسقارى ەلدەردە تانىلۋىنا وزىندىك ىقپالىن تيگىزدى. ال وسى تاقىرىپ اياسىندا «ەگەمەننىڭ» وزىندە عانا مىڭعا جۋىق ماتەريال جاريالاندى», دەدى ول.
گۇلنۇر قۋانىشبەكقىزى,
«ەگەمەن قازاقستان»
