«ول قازاقستاننىڭ ەت وداعىنىڭ توراعاسى بولىپ تاعايىندالعانى تۋرالى اقپارات بار. ءبىز قازىرگى كەزدە بارلىق سالالىق وداقتارمەن ءارى بىرلەستىكتەرمەن تىعىز جۇمىستاردى باستادىق. وسى ورايدا ولارمەن بىرلەسە, سالادا قوردالانعان ماسەلەلەردى شەشۋگە تىرىسۋدامىز», - دەدى ارمان ەۆنيەۆ.
ونىڭ سوزىنە قاراعاندا, اۋىل شارۋاشىلىعى مينيسترلىگى جوبالىق كەڭسەنى نەمەسە اشىق الاڭدى قۇرۋدا. وعان ساراپشىلار مەن بيزنەسمەندەر تارتىلادى.
«ونىڭ ىشىندە اسىلجان سارىباي ۇلى دا بىزگە كومەكتەسۋدە, بۇل رەتتە ول ءوزىنىڭ اقىل-كەڭەسىن بەرەدى», - دەدى ول.
ەستەرىڭىزگە سالا كەتەيىك, اسىلجان مامىتبەكوۆ مينيستر لاۋازىمىندا 2011 جىلدىڭ ساۋىرىنەن 2016 جىلدىڭ مامىرى ارالىعىندا بولدى. بۇدان بۇرىن حابارلانعانداي, 2017 جىلعى جەلتوقساننىڭ اياعىندا ا. مامىتبەكوۆ «استانا بانكى» اق ديرەكتورلار كەڭەسىنەن كەتكەندىگى حابارلانعان ەدى.
