پاركوۆايا كوشەسى,1 مەكەن-جايىندا ورنالاسقان جاتاقحانانىڭ 4-قاباتىندا ەلەكترششيتىنىڭ ەلەكتر جەلىلەرى مەن اۆتوماتتى ەلەكتر ەسەپتەگىشتەرى جانعان ەكەن. سەمەي قالالىق تجب ءباسپاسوز قىزمەتىنەن حابارلاعانداي, قالاداعى قۇتقارۋ №2 توبى ۋاقيعا بولعان جەرگە جەتكەن.
ءورت سوندىرىلگەننەن كەيىن, جاتاقحانا كەزەكشىسىنىڭ ايتۋىنشا, قۇرىلىس كوللەدجىنىڭ 4-كۋرس ستۋدەنتى جاسۇلان بەرەكەەۆ قۇتقارۋ توبى, ءورت سوندىرۋشىلەر كەلگەنشە ءوز بەتىمەن ءتورت بالانى امان-ەسەن الىپ شىعىپتى. جاسۇلان الدىمەن بەسىنشى قاباتتاعى كىشكەنتاي بالانىڭ داۋىسىن ەستىگەن. دەرەۋ ويلانباستان العا ۇمتىلعان. ءتۇتىن باسقان ءدالىز تۇبىنەن كىشكەنتاي ءسابيدىڭ جىلاعان داۋىسىن ەستىگەن ول قۇتقارۋشىلار كەلگەنگە دەيىن بەتىن كۇرتەسىمەن جاۋىپ, بالانى قۇتقارۋ ءۇشىن تۇتىنگە كىرىپ كەتەدى. ءسويتىپ, بالانى الىپ شىعىپ, ءۇشىنشى قاباتتاعى ەرەسەكتەرگە تابىستاپ, بەسىنشى قاباتقا قايتا ۇمتىلعان. بارلىق بولمەلەردى ارالاپ ءجۇرىپ, №36 بولمەدە تاعى ەكى بالانىڭ قالىپ قالعانىن بايقاعان. بالالاردى كۇرتەسىمەن قىمتاي جاۋىپ, الىپ شىققان سوڭ, ولاردى دا ءۇشىنشى قاباتتا تۇرعاندارعا تابىستايدى.
- كىشكەنتاي بالالاردى ويلاعان كەزدە قورقىنىشتىڭ نە ەكەندىگىن مۇلدە ۇمىتىپ كەتتىم, - دەيدى جاسۇلان تالانت ۇلى, - تەز ارادا قيمىلداماسام, بالالاردان ايرىلىپ قالاتىندىعىمىزدى ۇقتىم. قاۋىپ پەن قاتەر ماعان تەز شەشىم شىعارىپ, قيمىلداۋىما عانا مۇمكىندىك بارىن ۇقتىردى.
جاسۇلاننىڭ ارقاسىندا جەتى جاسار ەكى قىز بالا مەن 4 جاستاعى ۇل بالا امان-ەسەن قالدى. كوللەدج ۇجىمى مەن سەمەي قالالىق تج باسقارماسى ستۋدەنتتىڭ بەيبىت كۇندەگى ەرلىگىن باعالاپ, ونى ماراپاتتاۋدى جوسپارلاپ وتىر.
راۋشان نۇعمانبەكوۆا
سەمەي
