2018 جىلعى 22-24 قاڭتار كۇندەرى «UMC» كورپوراتيۆتىك قورىنىڭ ونكولوگيا جانە ترانسپلانتولوگيا ۇلتتىق عىلىمي ورتالىعىندا اقش-تان كەلگەن جەتەكشى حالىقارالىق ساراپشى, ميننەسوتا مەديتسينا مەكتەبىنىڭ ۋرولوگيا جانە ونكوۋرولوگيا دەپارتامەنتىنىڭ ديرەكتورى, پروفەسسور بادرينات كانەتيدىڭ قاتىسۋىمەن «قۋىقالدى بەزى, بۇيرەك جانە قۋىق وبىرىن دياگنوستيكالاۋ مەن ەمدەۋدىڭ قازىرگى زامانعى تاسىلدەرى» تاقىرىبىندا شەبەرلىك-ساباعى وتكىزىلدى.
پروفەسسور بادرينات كونەتي – ەركەكبەزى جانە قۋىق وبىرىن ەمدەۋ سالاسىندا تانىمال, بەدەلدى ساراپشى. 120-دان استام عىلىمي ماقالالار جاريالاعان ول اقش-تىڭ ۇزدىك دارىگەرلەرىنىڭ تىزىمىنە كىرەدى.
شەبەرلىك-ساباعى اياسىندا «UMC» كورپوراتيۆتىك قورىنىڭ ونكولوگيا جانە ترانسپلانتولوگيا ۇلتتىق عىلىمي ورتالىعىنىڭ ۋرولوگ دارىگەرلەرىمەن بىرلەسىپ, 7 وپەراتسيا جاسادى جانە قۋىقالدى بەزى, بۇيرەك جانە قۋىق وبىرىن ەمدەۋدىڭ قازىرگى زامانعى تاسىلدەرى, ونداي ناۋقاستاردى ءارى قاراي وڭالتۋ ماسەلەلەرى بويىنشا تاجىريبەلىك كەڭەستەر بەردى.
ءبىرىنشى كۇنى اتالعان ورتالىقتىڭ ۋرولوگيالىق بولىمىندە ەركەكبەزى وبىرى كەزىندە قولدانىلاتىن ايماقتىق ليمفوديسسەكتسياسىمەن جۇيكەنى ساقتايتىن راديكالدى پروستاەكتوميا وتاسى جاسالدى. بۇل ناۋقاستىڭ ەركەكتىك قاۋقارىنا اسەر ەتپەي, ءومىر ساپاسىن جاقسارتۋعا مۇمكىندىك بەرەدى. پروفەسسور بادرينات كونەتي جوعارى بىلىكتى وپەراتسيالىق تەحنيكاسىن جانە ونى جاساۋدىڭ بىرەگەي ءتاسىلىن كورسەتتى. مۇنداي تاجىريبە ەلىمىزدىڭ ەمدەۋ مەكەمەلەرىندە بولاشاقتا وسىنداي تەحنولوگيالاردى ەنگىزۋدى جەڭىلدەتەدى.
سونداي-اق, بۇيرەك وبىرى كەزىندە ءىشاستار ارقىلى اعزالاردى ساقتاي وتىرىپ اتقارىلاتىن وپەراتسيا جاسادى. مۇنداي ءتاسىل وپەراتسيا كەزىندە تۋىنداۋى مۇمكىن جاراقاتتاردى ازايتىپ, ناۋقاستى وڭالتۋ مەرزىمىن جەدەلدەتەدى. جانە سەميناردىڭ سوڭىندا پروفەسسور كونەتي 20 جىلدان بەرى كىشى دارەتكە بارۋدا قينالىپ جۇرگەن ناۋقاستىڭ نەسەپ شىعارۋ جۇيەسىن قالپىنا كەلتىرۋ وپەراتسيا جاسادى.
