«وڭتۇستىك پەن سولتۇستىك پحەنچحانداعى وليمپيادا ويىندارىن دا, ەكى ەل اراسىنداعى قارىم-قاتىناستى جاقسارتۋ تۋرالى ماڭىزدى ماسەلەلەردى دە تالقىلاي الادى», دەدى كورەي رەسپۋبليكاسىنىڭ ۇلتتىق قاۋىمداستىق ىستەر ءمينيسترى چو مەن گيۋن. ونىڭ ايتۋىنشا كەلىسسوزدەر شەكارا ماڭىنداعى پحانمۋندجوم ەلدى مەكەنىندە ءوتۋى مۇمكىن.
كورەي حالىق دەموكراتيالىق رەسپۋبليكاسىنىڭ كوشباسشىسى كيم چەن ىن جاڭاجىلدىق قۇتتىقتاۋىندا سولتۇستىك كورەيا سپورتشىلارىن پحەنچحانداعى قىسقى ويىندارعا جىبەرۋى مۇمكىن ەكەنىن ايتتى.
ال وڭتۇستىك كورەيا پرەزيدەنتى مۋن چجە ين ءوز كەزەگىندە كيم چەن ىننىڭ سوزدەرىن جىلى قابىل الدى. سونداي-اق, وليمپيادا كورشىلەرمەن قارىم-قاتىناستى رەتتەۋدىڭ بىردەن ءبىر جولى ەكەنىن ايتتى.
قىسقى ويىنداردى ۇيىمداستىرۋ كوميتەتىنىڭ باسشىسى لي حي بيوم كحدر سپورتشىلارىنىڭ قاتىسۋى مۇمكىن ەكەنىن ەستىگەندە قۋانعانىن ايتتى. «بۇل جاڭا جىلعا ارنالعان سىيلىق سەكىلدى», دەدى ول. كحدر مەن كورەيا رەسپۋبليكاسى مينيسترلەرىنىڭ ورىنباسارلارى دەڭگەيىندەگى كەلىسسوزدەر سوڭعى رەت 2015 جىلدىڭ جەلتوقسانىندا وتكەن.
كحدر اتىنان قىسقى ويىندارعا تەك ەكى سپورتشى قاتىسۋى مۇمكىن. ولار: مانەرلەپ سىرعاناۋشىلار ريوم تە وك جانە كيم چجۋ سيك.
كحدر قىسقى ويىندارعا قاتىسۋ تۋرالى ءوتىنىش بەرۋ مەرزىمىن وتكىزىپ العان. دەگەنمەن مانەرلەپ سىرعاناۋشىلارى حالىقارالىق وليمپيادا كوميتەتىنىڭ شاقىرۋىمەن قاتىسا الادى.
وڭتۇستىك كورەيا مەن كحدر ءالى كۇنگە دەيىن اراز ەلدەر. سوڭعى جىلدارى قوس مەملەكەت بىرنەشە رەت بەيبىت ديالوگ ورناتپاق (كوبىنە سەۋلدىڭ باستاماسىمەن) بولعان. دەگەنمەن, وعان پحەنياننىڭ يادرولىق باعدارلاماسى كەدەرگى كەلتىردى. وتكەن جىلى پحەنيان التى يادرولىق سىناق وتكىزدى. وسى سەبەپتى كحدر-عا ءتۇرلى سانكتسيالار سالىندى.
جاڭاجىلدىق قۇتتىقتاۋ سوزىندە سولتۇستىك كورەيا باسشىسى كيم چەن ىن يادرولىق تۇيمەشەك ىلعي دا قولىندا جۇرەتىنىن ايتتى. دەگەنمەن, ول ءوز ەلىن «بەيبىت جانە يادرولىق دەرجاۆا مەملەكەت» دەپ اتادى. وڭتۇستىك پەن سولتۇستىك اراسىنداعى قارىم-قاتىناس بيىل وليمپياداعا بايلانىستى جاقسارۋى مۇمكىن ەكەنىن دە جاسىرىپ قالمادى.
«2018 وڭتۇستىك ءۇشىن دە, سولتۇستىك ءۇشىن دە ماڭىزدى جىل بولماق. سولتۇستىك ءوزىنىڭ قۇرىلعانىنا 70 جىل تولعانىن اتاپ وتەدى, ال وڭتۇستىك قىسقى وليمپيادا ويىندارىن ۇيىمداستىرادى. ءبىز ەكى ەل اراسىنداعى بايلانىستى رەتتەۋىمىز كەرەك», دەدى كيم چەن ىن.
