تاۋەلسىزدىك مەرەكەسىنە ارنالعان بۇگىنگى سالتاناتتى جيىنىمىزعا «نۇر وتان» پارتياسىنىڭ الماتى قالالىق فيليالى توراعاسىنىڭ ورىنباسارى قايىم-مۇنار تابەەۆ جانە «نۇر وتان» پارتياسى مەدەۋ اۋداندىق فيليالى توراعاسىنىڭ ورىنباسارى مەرۋەرت مۇقانوۆا قاتىستى.
مەرەكەگە ارنالعان سالتاناتتى جيىنىمىزدى اشۋ ءۇشىن العاشقى ءسوزدى ۋنيۆەرسيتەتىمىزدىڭ رەكتورى, قازاقستان رەسپۋبليكاسىنىڭ ۇلتتىق عىلىم اكادەمياسىنىڭ ۆيتسە-پرەزيدەنتى, اكادەميك تىلەكتەس ەسپولوۆقا بەرىلدى.
«تاۋەلسىز ەلدىڭ سەنىمدى تۇعىرى – ول حالىقتىڭ باسەكەلىك قابىلەتى مەن ءورشىل رۋحى, جاسامپاز جىگەرى مەن كەمەل ساناسى. بۇل قۇدىرەتتىڭ ءمانى مەن بولمىسىن ەلباسىمىزدىڭ «بولاشاققا باعدار: رۋحاني جاڭعىرۋ» ماقالاسىنان جاقسى بىلەسىزدەر. جاڭا الەمدەگى جاڭا قازاقستاننىڭ بۇگىنگى تابىستارىنىڭ كىلتى ەل بىرلىگىندە, ۇلتتاردىڭ تاتۋلىعىندا جاتىر. قازاقستان ءۇشىن تاۋەلسىزدىكتىڭ ءار كۇنى پاراسات پەن پايىمعا تولى. ءبىزدىڭ ۇجىم تۇڭعىش پرەزيدەنتىمىز بەن «نۇر وتان» پارتياسىنىڭ سەنىمدى كومەكشىسى بولعان جانە بولىپ قالا بەرەدى. ۋنيۆەرسيتەتىمىزدەگى باستاۋىش پارتيا ۇيىمىندا مىڭعا جۋىق ادام «نۇر وتان» مۇشەسى. بۇگىن جاڭا تولقىنمەن تولىعامىز. دەمەك, كۇشكە-كۇش, ويعا-وي, ىزدەنىسىمىزگە اقىل مەن قايرات قوسىلادى», – دەدى تىلەكتەس يساباي ۇلى.
تاۋەلسىزدىك كۇنىنە وراي «نۇر وتان» پارتياسىنىڭ جاڭا مۇشەلەرىنە پارتيا بيلەتىن سالتاناتتى تۇردە تابىس ەتىلگەننەن كەيىن جەلتوقساننىڭ كۋاگەرى, وسى تاقىرىپتى زەرتتەپ, «قازاقتىڭ جەلتوقسانى» اتتى كىتاپ جازعان بەلگىلى پۋبليتسيست قايىم-مۇنار تابەەۆ مەرەكەمەن قۇتتىقتاۋ ءۇشىن جانە «نۇر وتان» پارتياسىنا جاڭادان قابىلدانعان مۇشەلەرىنە پارتيالىق بيلەتتى سالتاناتتى تۇردە تاپسىرۋ ءۇشىن ورتاعا شاقىرىلدى.
قازاق ۇلتتىق اگرارلىق ۋنيۆەرسيتەتىنىڭ «رۋحاني جاڭعىرۋ» ينستيتۋتىنىڭ ديرەكتورى, قر ۇلتتىق عىلىم اكادەمياسىنىڭ اكادەميگى, تاريح عىلىمدارىنىڭ دوكتورى حانكەلدى ءابجانوۆ 23 ادامعا پارتيا بيلەتى سالتاناتتى تۇردە تاپسىرىلدى. بۇدان كەيىن پارتيانىڭ جاڭا مۇشەلەرىنە سالتاناتتى جاعدايدا بيلەت تاپسىرۋ ءراسىمى ءوتتى. سوڭى مەرەكەلىك كونتسەرتكە ۇلاستى.
ساپارباي پارمانقۇل,
«ەگەمەن قازاقستان»
الماتى
