مەملەكەتتىك حاتشى ۇلتتىق مەرەكە – تاۋەلسىزدىك كۇنى قارساڭىندا ەل دامۋىنا سىڭىرگەن ەرەكشە ەڭبەگى جانە جەكە ۇلەسى ءۇشىن مەملەكەت باسشىسى تاراپىنان اتاپ وتىلگەن قازاقستاندىقتارعا مەملەكەتتىك ناگرادالار مەن سىيلىقتار تاپسىرۋ يگى داستۇرگە اينالعانىن ايتتى.
ماراپاتتالعاندار قاتارىندا مادەنيەت, ءبىلىم بەرۋ, عىلىم, دەنساۋلىق ساقتاۋ سالاسى قايراتكەرلەرى, مەملەكەتتىك قىزمەتشىلەر, ەكونوميكانىڭ ءتۇرلى سالاسىنىڭ وكىلدەرى, جۇمىسشىلار مەن اۋىل ەڭبەككەرلەرى بار.
حالىقتىڭ ءال-اۋقاتىن ارتتىرۋعا باعىتتالعان ەلباسى نۇرسۇلتان ءابىش ۇلى نازارباەۆتىڭ ستراتەگيالىق باعدارىنىڭ جۇزەگە اسىرىلۋى ارقاسىندا قازاقستان رەسپۋبليكاسى تابىستى زاماناۋي مەملەكەتكە اينالدى.
بۇگىندە قازاقستان جاڭعىرتىلىپ جاتقان جۇيەلى وزگەرىستەر كەزەڭىن باستان وتكەرۋدە. ەلىمىز جاھاندىق باسەكەگە قابىلەتتىلىككە قول جەتكىزۋ ماقساتىمەن يندۋستريالاندىرۋدى جالعاستىرىپ جاتىر. ۇزاق مەرزىمگە ارنالعان «قازاقستان-2050» ستراتەگياسى دايەكتى تۇردە ىسكە اسىرىلۋدا.
گ.ابدىقالىقوۆا بيىل 115 ەل جانە 22 حالىقارالىق ۇيىم قاتىسقان ۇلتتىق جوبا – حالىقارالىق «استانا ەكسپو-2017» مامانداندىرىلعان كورمەسى تابىستى وتكىزىلگەنىنە توقتالدى. قازاقستان تمد ەلدەر اراسىنان ءبىرىنشى بولىپ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى اتاندى.
ءراسىم سوڭىندا مەملەكەتتىك حاتشى گ.ابدىقالىقوۆا قاتىسۋشىلاردى الدا كەلە جاتقان تاۋەلسىزدىك كۇنىمەن قۇتتىقتاپ, مىقتى دەنساۋلىق, وتباسىلارىنا باق-بەرەكە جانە زور تابىس تىلەدى.
