– ەڭ ءبىرىنشى «سەۆيليانىڭ» باس باپكەرى ەدۋاردو بەرريسونىڭ قاۋىپتى ىسىك اۋرۋىنا شالدىققانىنا قايعىرىپ وتىرمىن. «ۆيلياررەال» كومانداسى ونىڭ تەزىرەك ساۋىعىپ كەتۋىن تىلەيمز.
– الدا «سەۆيلياعا» قارسى ماڭىزدى ويىن كۇتىپ تۇر. وتكەن تۋردا «اتلەتيكپەن» كۇش سىناستىڭىزدار. ەرتەڭ نەگىزگى قۇرامدا قانداي دا ءبىر وزگەرىستەر بولۋى مۇمكىن بە؟
– ويىمىزدىڭ ءبارى ازىرگە ەرتەڭگى ويىن جايلى. «سەۆيليا» تۋرالى وسى ويىننان كەيىن ويلايتىن بولامىز. ەۋروپا ليگاسىندا وڭاي ويىن بولمايتىنى بەلگىلى. نەگىزگى قۇرامدا وزگەرىستەر بولۋى ابدەن مۇمكىن.
– «ماككابيدى» سىرت الاڭدا جەڭە الماعاندارىڭىزدىڭ سەبەبى نەدە؟
– بىزگە ول كەزدەسۋدە ساتتىلىك جەتىسپەدى. مۇمكىندىكتەرىمىز بولعان, بىراق پايدالانا المادىق.
– باكامبۋ ەرتەڭ نەگىزگى قۇراممەن شىعادى ما؟ قانشا دەگەنمەن ەۋروپا ليگاسىندا ءجوندى كوزگە تۇسە الماي ءجۇر.
– باكامبۋ شىعادى دەپ ويلايمىن. ءبىزدى ماڭىزدى ماتچ كۇتىپ تۇر. «استانانى» جەڭۋ ءۇشىن ونىڭ كومەگى بىزگە وتە قاجەت.
– «ۆيلياررەال» ويىنشىلارىنا ەكى ەلدەگى اۋا رايى, «استانا-ارەناداعى» جاساندى الاڭ كەدەرگى كەلتىرمەي مە؟
– راس, ءبىزدىڭ جاعدايىمىز ازداپ قيىنداۋ. بىراق ءۇش ۇپاي يەلەنۋىمىز كەرەك.
– ەگەر «ۆيلياررەال» ەرتەڭ جەڭىسكە جەتسە, پلەي-وففقا جولداما الادى. ال سوڭعى تۋرداعى ويىن جايلى نە ويلايسىز؟ قانشالىقتى ماڭىزدى بولماق؟
– ەرتەڭگى باستى ماقساتىمىز – جەڭىسكە جەتۋ. ءار ويىن ءبىز ءۇشىن فينال سەكىلدى. سوندىقتان بارلىق ويىنعا باسا نازار اۋدارۋىمىز كەرەك.
– «استانادان» قاي ويىنشىنى ەرەكشە اتاپ وتەر ەدىڭىز؟ تەڭ ەسەپ ءسىزدى قاناعاتتاندىرا ما؟
– مەن دجۋنيور كابانانگانى ەرەكشە اتاپ وتەر ەدىم. ونىڭ جىلدامدىعى, دريبلينگى بىزگە قيىندىق تۋدىرادى. ول «استانانىڭ» ۇزدىك ويىنشىسى دەپ ويلايمىن.
– اۋا رايىنىڭ سالقىندىعى كەدەرگى كەلتىرمەي مە؟
– ءبىز كاسىبي ادامبىز. سوندىقتان بارلىق قيىندىقتى جەڭۋىمىز كەرەك.
ايتا كەتەيىك, «استانا» مەن «ۆيلياررەال» اراسىنداعى كەزدەسۋ ەرتەڭ, ياعني 23 قازان كۇنى «استانا-ارەنا» ستاديونىندا 22:00-دە باستالادى.
ايان ءابدۋالي,
«ەگەمەن قازاقستان»
