ورتالىق ازياداعى وزەكتى ماسەلەلەر تالقىلاندى

ن.گەرماندى وسى جاۋاپتى لاۋازىمعا تاعايىندالۋىمەن قۇتتىقتاعان سەنات توراعاسى اتالعان ورتالىقتىڭ پرەزيدەنت ن.نازارباەۆتىڭ باستاماسى بو­يىنشا قۇرىلعانىن, بۇۇ واپداو شتاب-پاتەرى بەيتاراپ تۇرىكمەنستاننىڭ ەلورداسىن­دا ورنالاسقانىن, ول وسى حالىق­ارالىق ۇيىمنىڭ ناتيجەلى قىز­مەتى ءۇشىن كوپتەگەن ءىس اتقارعانىن  اتاپ ءوتتى.

جۇزدەسۋشىلەر كوپتەگەن ادام قۇربان بولاتىن جانە ماتە­ريا­ل­دىق شىعىن اكەلەتىن قاقتىعىستار مەن سوعىستاردى بولدىرماۋدا ءتيىم­دى قۇرال رەتىندە پري­ۆەن­تيۆتى ديپلو­ماتيا­نىڭ ماڭىزى ارتا تۇسكەنى تۋرالى ورتاق پىكىر ءبىلدىردى. ق.توقاەۆ بۇۇ باس حات­شىسىنىڭ وسى با­عىت­تاعى كۇش-جىگەرىن قازاق­ستان­نىڭ قولداي­تىنىن ايتتى.

تاراپتار ورتالىق ازياداعى بارلىق وزەكتى ماسەلەلەردى شەشۋدە, اتاپ ايتقاندا سۋ توڭىرەگىندەگى جانە اۋعانستانعا كومەكتەسۋدەگى بىرلەسكەن ءىس-قيمىلدىڭ كەلەشەگىن تالقىلادى.

ق.توقاەۆ بۇۇ ايماقتىق ور­تا­لىعىنىڭ كۇن ءتارتىبىن جانە بۇۇ ورتالىق ازياعا ارنال­عان پريۆەنتيۆتى ديپلوماتيا جونىندەگى ايماقتىق ورتالى­عىنىڭ 2018-2020 جىلدارعا ار­نالعان ءىس-قيمىل باعدارلاماسىن ىسكە اسىرۋ جونىندەگى كۇش-جىگەردى قازاقستاننىڭ قولدايتىنىن ايتتى. سەنات باسشىسى ايماقتىق قاۋىپسىزدىك پەن تۇراقتىلىقتى قامتاماسىز ەتۋ, ورتالىق ازيا­داعى ەكونوميكالىق ىنتىماق­تاستىقتى دامىتۋ قازاقستاننىڭ بۇۇ قاۋىپسىزدىك كەڭەسىندەگى جۇ­مى­س­ىنداعى باسىم باعىتتار ەكە­نىن اتاپ ءوتتى.

بۇۇ قاۋىپسىزدىك كەڭەسىنە قا­زاق­ستاننىڭ الداعى ۋاقىتتاعى توراعالىق ەتۋى اياسىندا 2018 جىلى قاڭتاردا وتكىزۋ كوزدەلىپ وتىر­عان جوعارى دەڭگەيدەگى پىكىر­سايىس اۋعانستانداعى احۋالدى رەت­تەۋ جولدارىن ىزدەستىرۋگە ار­نا­لادى. سەنات توراعاسى قا­زاق­­ستان­نىڭ بۇۇ قاۋىپسىزدىك كە­ڭەسىنە تور­اعالىق ەتۋ سالتاناتىن مەم­لەكەت باسشىسى اشاتىنىن حابارلادى.

ق.توقاەۆ جاھاندىق قاۋىپ­سىز­دىككە ىقپال ەتەتىن كەزدەسۋلەر مەن كەلىسسوزدەر ءوتىپ جۇرگەن اس­تانانىڭ حالىقارالىق بەدەلدى ورتا­لىق رەتىندەگى ماڭىزىن دا اتاپ ءوتتى. سيرياىشىلىك كەلىسسوز­دەر­دىڭ ناتيجەسى وعان دالەل بولىپ وتىر.

ن.گەرمان بۇۇ ورتالىق ازيا­­­عا ارنالعان پريۆەنتيۆتى ديپ­­­لو­ماتيا جونىندەگى ايماقتىق ور­تا­لىعىنىڭ وڭىردەگى قىزمەتىن قولداۋعا قوسقان زور ۇلەسىنە وراي قازاقستانعا العىس ايتتى,  سونىمەن قاتار ايماقتىق جانە جا­ھان­دىق ىنتىماقتاستىقتى نىعايتۋعا باعىتتالعان استانانىڭ حالىق­ارالىق باستامالارىنا جوعارى باعا بەردى.