«2008 جىلى تشو شيكى گاز ايداۋ مەن ەكىنشى بۋىن زاۋىتتارى جوباسىن اياقتاعان بولاتىن, ناتيجەسىندە مۇنايدىڭ تاۋلىكتىك ءوندىرىسى شامامەن 75 مىڭ تونناعا (600 مىڭ باررەل) جانە تابيعي گازدىڭ تاۋلىكتىك ءوندىرىسى 22 ملن تەكشە مەترگە جەتتى (750 ملن تەكشە فۋت). 2017 جىلدىڭ قاڭتار ايىنان قىركۇيەككە دەيىنگى ارالىقتا تەڭىزدەگى شيكى مۇناي ءوندىرىسىنىڭ كولەمى 21,4 ملن توننانى قۇرادى (171 ملن باررەل)», - دەپ حابارلادى كومپانيانىڭ ءباسپاسوز قىزمەتىنەن.
2016 جىلمەن سالىستىرعاندا تەڭىزدەگى ءوندىرىس ايتارلىقتاي وسكەن جوق - بىلتىرعى جىلدىڭ قاڭتار-قىركۇيەك ايلارىندا 20,3 ملن توننا مۇناي ءوندىرىلدى (160 ملن باررەل). تشو شيكى مۇنايدى ءتۇرلى باعىتتارعا ەكسپورتتايدى, كاسپي قۇبىر جەلىسى كونسورتسيۋمى ارقىلى نوۆوروسسيسكىگە, تەمىر جولدار ارقىلى ودەسسا, تامان, اقتاۋ, ودان ءارى باتۋمي مەن كۋلەۆيگە جەتكىزىلەدى.
قازىرگى ۋاقىتتا تشو تەڭىز كەن ورنىنان 26-27 توننا مۇناي وندىرەدى. تەڭىزدەگى تشو قۋاتتىلىعىن كەڭەيتۋ اياقتالعاننان كەيىن ءوندىرىس جىلىنا 39 ملن تونناعا جەتەدى دەپ جوسپارلانۋدا. كەن ورىندارىندا 130 ۇڭعىما بۇرعىلانعان, 2020 جىلعا قاراي تاعى 100 ۇڭعىما پايدالانۋعا بەرىلەدى دەپ جوسپارلانىپ وتىر.
