وعان ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ, ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ, ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ, قوستاناي مەملەكەتتىك پەداگوگيكالىق ينستيتۋتىنىڭ, ى.التىنسارين اتىنداعى ارقالىق مەملەكەتتىك پەداگوگيكالىق ينستيتۋتىنىڭ تاريحشى, فيلولوگ عالىمدارى, سونىمەن قاتار ولكە تاريحىن زەرتتەپ جۇرگەن تاريحشىلار, ولكەتانۋشىلار, مۇعالىمدەر, مەملەكەتتىك قىزمەتشىلەر, قوعام وكىلدەرى, مادەنيەت قىزمەتكەرلەرى, ستۋدەنتتەر قاتىستى.
كونفەرەنتسيادا عالىمدار مەن ولكەتانۋشىلار ەلىمىزدەگى ونوماستيكانىڭ بۇگىنگى ءجاي كۇيىن, پروبلەمالارىن, ءتىل تازالىعىنا, ءتۋريزمدى دامىتۋعا اسەرىن اڭگىمەلەدى.
«جەر-سۋ اتاۋلارى قوعامدىق مادەني, تاريحي عانا ەمەس, جالپى رۋحاني مۇرا رەتىندە حالىقارالىق ماڭىزعا دا يە بولىپ وتىر. سوندىقتان تاريحىمىزعا قاتىستى جەر-سۋ اتتارىنىڭ ساقتالۋى مەن دۇرىس جازىلۋىنا, ايتىلۋىنا ساق بولعانىمىز ءجون. مىسالى, قوستاناي قالاسىنىڭ جانىنداعى توبىلدان بولىنگەن شاعىن كول ينسپەكتور كولى اتالاتىن. ونى كەيىننەن بىرەۋ جەكەشەلەندىرىپ الىپ, بەزىمياننوە دەپ تىركەتىپ جىبەرگەن. ال حالىق ونىڭ التىنسارينگە بايلانىستى شىققان اتاۋ ەكەنىن جاقسى بىلەدى. تاريحىمىزعا قاتىستى وسى اتاۋدى قالاي ءوشىرىپ قويامىز؟ ونىڭ قۇجات جۇزىندە قالپىنا كەلتىرۋ ماسەەلسى كەزەك كۇتتىرمەسە كەرەك» دەدى ولكەتانۋشى عالىم قالقامان جاقىپ.
«ەلباسىنىڭ ماقالاسىندا ايتىلعان رۋحاني جاڭعىرۋ ماسەلەلەرىنىڭ ءبىرى وسى ونوماستيكاعا قاتىستى. ونوماستيكانى جاڭعىرتۋ ارقىلى ءبىزدىڭ تاريحي جادىمىزدى ساقتاپ, ۇلتتىق كودتارىمىزعا قايتا جان ءبىتىرۋ ماسەلەسى كونفەرەنتسيادا ورىندى قوزعالدى. لاتىن الىپبيىنە كوشۋ ونوماستيكا ماسەلەلسىنە وڭ ىقپال ەتەتىن بولادى. بۇرىن ءبىر اتاۋدى ورىسشا, قازاقشا ەكى تىلدە جازاتىن ەدىك, ول ەكى ءتۇرلى دىبىستالاتىن. ال لاتىن ارپىمەن جازۋدان ول بىرىزدىلىككە تۇسەدى. مۇنىڭ حالىقارالىق, ءتىپتى ەكونوميكالىق تا ماڭىزى بار» دەيدى ەۋرازيا ۋنيۆەرسيتەتىنىڭ پروفەسسورى بەكجان ءابدىۋالي ۇلى. كونفەرنتسياعا قاتىسۋشىلار ەكى سەكتسياعا ءبولىنىپ جۇمىس ىستەدى.
ءنازيرا جارىمبەت,
«ەگەمەن قازاقستان»
قوستاناي
