ءدىن ىستەرى جانە ازاماتتىق قوعام مينيسترلىگىنىڭ ءدىن ىستەرى كوميتەتى ۇيىمداستىرعان شارا ءدىن سالاسىندا مەملەكەتتىك ساياساتتى جۇزەگە اسىرۋ ماسەلەلەرىمەن اقپاراتتىق-ءتۇسىندىرۋ توبىنىڭ ءتيىمدى جۇمىس ىستەۋ ادىستەرىن انىقتاۋ مەن تالقىلاۋدى ماقسات ەتەدى.
جۇزگە جۋىق ادام قاتىسقان باسقوسۋعا ءبىلىم جانە عىلىم مينيسترلىگىنىڭ, ۇلتتىق قاۋىپسىزدىك كوميتەتى تەرروريزمگە قارسى كۇرەس ورتالىعىنىڭ, مادەنيەتتەر مەن دىندەردىڭ حالىقارالىق ورتالىعىنىڭ, وڭىرلىك ءدىن ىستەرى باسقارمالارى مەن ءدىن پروبلەمالارىن زەرتتەۋ ورتالىقتارىنىڭ وكىلدەرى, عالىمدار, تەولوگتار, ءدىنتانۋشىلار اتسالىستى. العاشقى كۇنگى جيىندا ءدىن ىستەرى كوميتەتى توراعاسىنىڭ مىندەتىن اتقارۋشى ە.وڭعارباەۆ ءسوز سويلەپ, «ەكسترەميزممەن كۇرەستىڭ باستى قۇرالى رەتىندە اقپاراتتىق ءتۇسىندىرۋ توپتارى جۇمىستارىنىڭ تيىمدىلىگىن ارتتىرۋ قاجەت», دەدى. ول, سونىمەن قاتار سەميناردا العان ءبىلىمدى كوپشىلىك ىشىندەگى ارنايى توپتارمەن جۇمىس جۇرگىزۋدە پايدالانۋدى ۇسىندى.
شارا بارىسىندا ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى «الەۋمەتتىك باسقارۋ تەحنولوگيالارى» كافەدراسىنىڭ پروفەسسورى, ە.شاحانوۆ جانە دە شىعىس قازاقستان وبلىسى بويىنشا ءدىن پروبلەمالارىن زەرتتەۋ ورتالىعىنىڭ ديرەكتورى ي.بەركىمباەۆا ترەنينگتەر وتكىزدى. سونداي-اق كوپشىلىك «اڭسار» وڭالتۋ ورتالىعىنىڭ جەتەكشىسى ا.ءسابديننىڭ سوتتالعاندار مەن دەسترۋكتيۆتى ءدىني اعىمداردىڭ قۇرباندارىن وڭالتۋ تاقىرىبىنداعى ءدارىسىن تىڭدادى.
سەميناردىڭ ەكىنشى كۇنى وڭىردەگى اقپاراتتىق-ءتۇسىندىرۋ توپتارىنىڭ ءوزارا تاجىريبە الماسۋلارىنا, ءتيىمدى ادىستەرمەن ءتۇسىندىرۋ جۇمىستارىن جۇرگىزۋگە ارنالدى. وندا ءدىن ىستەرى كوميتەتى توراعاسىنىڭ ورىنباسارى ا.ءابىلدينوۆا جەكەلەگەن ايماقتاردا حالىق اراسىنداعى ماقساتتى توپتارمەن جۇمىس جۇرگىزۋدەگى تاجىريبەنىڭ ماڭىزدىلىعىن اتاپ ءوتتى. بۇعان قوسا, ول اقپاراتتىق-ءتۇسىندىرۋ توبىنىڭ مۇشەلەرىن العان بىلىمدەرىن ايماقتاردا بولىسۋگە شاقىردى.
