باسقارما باسشىسىنىڭ ايتۋىنشا, «نۇرلى جەر» باعدارلاماسى نەگىزگى 5 باعىتتا جۇزەگە اسىرىلىپ جاتىر. ونىڭ العاشقىسى – يپوتەكالىق كرەديت بەرۋدىڭ قولجەتىمدىلىگىن ارتتىرۋ جوباسىمەن 96 تۇرعىن ءۇيدىڭ قۇرىلىس باستالعان. ال جەكە قۇرىلىس سالۋشىلار ەسەبىنەن 107 تۇرعىن ءۇيدىڭ قۇرىلىسى جۇرگىزىلۋدە. سونداي-اق تۇرعىن ءۇي قۇرىلىس جيناقتار جۇيەسى ارقىلى 73 كەرەديتتىك تۇرعىن ءۇي سالىنۋدا. بۇدان بولەك, جالعا بەرىلەتىن تۇرعىن ءۇي قورى قۇرىلىپ, 88 جەكە تۇرعىن ءۇيدىڭ قۇرىلىسى قولعا الىناتىن بولادى. وسىنىڭ ناتيجەسىندە وڭىردە ساتىلاتىن پاتەرلەر سانى كوبەيىپ, يپوتەكالىق كرەديت الۋشىلار سانى ارتا تۇسپەك.
«2017 جىلى وبلىستا 16 جەكە سالۋشىلار ەسەبىنەن 107 كوپ قاباتتى تۇرعىن ۇيلەردىڭ قۇرىلىسى جۇرگىزىلۋدە. اعىمداعى جىلى 11 ءۇيدىڭ قۇرىلىسىن اياقتاپ پايدالانۋعا تاپسىرۋ جوسپارلانسا, 96 ءۇيدىڭ قۇرىلىسى 2018 جىلعا وتپەلى. جەكە قۇرىلىس سالۋشىلاردى ىنتالاندىرۋ ماقساتىندا جالپى قۇنى 17,5 ملرد. تەڭگەنى قۇرايتىن 7 جوبانى ىسكە اسىرۋ ءۇشىن قۇجاتتار ازىرلەنىپ, ءتيىستى جۇمىستار اتقارىلۋدا», - دەيدى قۇتتىبەك جاماشەەۆ.
جيىن بارىسىندا وبلىسىمىزدا قۇرىلىس جۇمىستارى كەستەدەن كەشەۋىلدەپ جاتقان مەكتەپتەردىڭ دە جاي كۇيى ءسوز بولدى. بۇل رەتتە شىمكەنت قالاسىنداعى «تاسكەن تۇرعىن الابىنداعى №103 ورتا مەكتەبىنە 600 وقۋشى ورىندىق جاڭا وقۋ بلوگىن سالۋ» نىسانى بويىنشا قارجى جوسپارعا سايكەس 100 پايىز يگەرىلگەن. الايدا, ب كورپۋسىنىڭ قۇرىلىسىندا 10-15 كۇن وندىرىستىك كەستەدەن كەشىگۋ بايقالادى.
سونىمەن قاتار, ورىندالعان جۇمىس كولەمىنىڭ جوق بولۋىنا بايلانىستى ەسەپتى كەزەڭگە جوسپارلانعان 650 ملن. تەڭگەنىڭ 66 ملن. تەڭگەسى يگەرىلمەگەن. سونداي-اق قازىعۇرت اۋدانى قىزىلسەڭگىر ەلدى مەكەنىندەگى 300 ورىندىق ورتا مەكتەپتىڭ ا بلوگىنىڭ قۇرىلىس جۇمىستارى بەكىتىلگەن وندىرىستىك كەستەدەن 5-10 كۇن شاماسىندا كەشىگۋدە. ءدال وسىنداي كەمشىلىك ماقتارال اۋدانى فەرداۋسي اۋىلىنداعى فەرداۋسي اتىنداعى 600 ورىندىق مەكتەپ پەن ورداباسى اۋدانى شۇبار سۋ اۋىلىنداعى 600 ورىندىق ءبىلىم ۇياسىنىڭ قۇرىلىسىندا دا قايتالانىپ وتىر.
«مەكتەپ قۇرىلىسىن كەستەدەن كەشەۋىلدەتكەندەر جاۋاپقا تارتىلادى. وسى رەتتە قۇرىلىسى جۇمىس كەستەسىنەن كەشەۋىلدەپ جاتقان مەكتەپتەردىڭ قۇرىلىس جۇمىستارىنىڭ ۋاقىتىلى جانە ساپالى جۇرگىزىلۋىنە باقىلاۋدى كۇشەيتۋدى, جىل قورىتىندىسىمەن اعىمداعى جىلعا جوسپارلانعان جۇمىستاردى تولىق ورىنداۋ ارقىلى, قاراجىلاردى ءتيىمدى يگەرىلۋىن قامتاماسىز ەتۋدى تاپسىرامىن», - دەدى جانسەيىت قانسەيىت ۇلى.
جيىندى قورىتقان ءوڭىر باسشىسى «نۇرلى جەر» باعدارلاماسى اياسىندا سالىنىپ جاتقان تۇرعىن ۇيلەر مەن ۇلتتىق قور قارجىسى ەسەبىنەن بوي كوتەرىپ جاتقان مەكتەپتەردىڭ قۇرىلىسىن مەرزىمىندە اياقتاۋدى قاداعالاۋدى اۋدان, قالا اكىمدەرىنە تاپسىردى.
