سالاۋاتتى ومىرسالتىمەنبۇقارالىقسپورتتىناسحاتتاۋماقساتىندا ۇيىمداستىرىلعان شاراعا وبلىس اكىمى جانسەيىت تۇيمەباەۆ, قالا اكىمى عابيدوللا ءابدىراحىموۆ, وبلىستىق ءماسليحاتتىڭ حاتشىسى قايرات بالابيەۆ پەن «نۇر وتان» پارتياسىنىڭ شىمكەنت قالالىق بولىمشەسىنىڭ توراعاسى ومىرزاق مەلدەحانوۆ, سونداي اق اكىمدىك قىزمەتكەرلەرى مەن كاسىپقوي سپورتشىلار جانە قالا تۇرعىندارى جالپى سانى 5 مىڭ ادام قاتىستى.
بيىل جۇگىرۋ جولىنىڭ ۇزاقتىعى جارتىلاي مارافونعا دەيىن ۇزارتىلدى. ۇيىمداستىرۋشىلار «Kasiet» فيتنەس-كلۋبى مەن «13 رەگيون» كومانداسىنىڭ ايتۋىنشا, بۇل قادام مارافوننىڭ بولاشاقتا جالپى قازاقستاندىق جانە حالىقارالىق سپورت كۇنتىزبەسىنە ەنگىزىلۋى ءۇشىن جاسالىپ وتىر. ەڭ الىس قاشىقتىق - 21,1 شاقىرىم. دەگەنمەن, ءوزىنىڭ مۇمكىندىگىن جاڭادان سىناپ كورۋشىلەر ءۇشىن 5 جانە 10 شاقىرىم جارىس جولى ساقتالدى.
قوناەۆ داڭعىلىنان بəيدىبەك بي داڭعىلى بويىمەن ناۋرىز الاڭىنا دەيىنگى بىرىنشى قاشىقتىقتى وبلىس اكىمىمەن بىرگە بارلىق جاستاعى 3 مىڭنان استام قاتىسۋشى وڭاي جۇگىرىپ ءوتتى.
دەنساۋلىق – باعا جەتپەيتىن اسىل دۇنيە ەكەنىن ايتقان وبلىس اكىمى بارشا وڭتۇستىكقازاقستاندىقتاردى سالاۋاتتى ءومىر سالتىن ۇستانۋعا شاقىردى.
«بۇگىنگى ءداستۇرلى جالپى قالالىق جۇگىرۋ مارافونىنا قاتىسىپ, بۇقارالىق سپورتتىڭ دامۋىنا ۇلەس قوسىپ جۇرگەن قالا تۇرعىندارى مەن جاستارعا العىس ايتامىن. ومىرىمىزگە قاۋىپ توندىرەتىن زياندى زاتتاردان اۋلاق بولىپ, سالاۋاتتى ءومىر سالتىن ۇستانۋىمىز قاجەت. بۇگىنگى 5 مىڭ ادام قاتىسقان مارافون وسىنىڭ ايعاعى. وسى قالىپتان تايماي بۇقارالىق سپورتتى دامىتۋعا ۇلەس قوسىپ, ونى كەڭ دارەجەدە ناسيحاتتايتىن بولساق 2020 جىلعا دەيىن بۇقارالىق سپورتپەن شۇعىلدانۋشىلاردىڭ سانىن 30 پايىزعا جەتكىزەمىز, ال وسى جىلى 26 پايىزعا جەتەدى دەپ جوسپارلانۋدا»,-دەدى اكىم.
مۇنان سوڭ, ايماق باسشىسى جارىستىڭ ەڭ جاس جانە ەڭ ەرەسەك قاتىسۋشىلارى مەن جەڭىمپازدارىن ماراپاتتادى.
جارىستا 9 جاس ەرەكشەلىگى بويىنشا 32 سپورتشى جەڭىمپاز اتانىپ, وبلىس əكىمىنىڭ العىس حاتىمەن جۇلدەلى سىيلىقتارعا يە بولدى.
ايتا كەتەيىك, ەرلەر اراسىندا 21 شاقىرىم قاشىقتىقتا 19 جاستاعى №39-شى عالىمجان جۇماباەۆ مارە سىزىعىن ءبىرىنشى بولىپ باسسا, ايەلدەر اراسىندا ەڭ ءبىرىنشى بولىپ 225-ءشى نومەردەگى 34 جاستاعى اقمارال مەيىرمان كەلىپ جەتتى.
ءداستۇرلى شارا ناۋرىز الاڭىنداعى كونتسەرتپەن اياقتالدى.
