ايماق باسشىسى تولىق فورماتتاعى كاسىپكەرلەرگە قىزمەت كورسەتۋ ورتالىعىنىڭ جۇمىسىمەن ارنايى تانىستى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
وبلىس اكىمى دانيال اxمەتوۆتىڭ تاپسىرماسى بويىنشا كاسىپكەرلەر پالاتاسى مەن «دامۋ» قورى نەگىزىندە قۇرىلعان ورتالىقتا 8 ءتۇرلى سەرۆيستىك قىزمەت كورسەتىلەدى. ەڭ باستىسى, مۇندا بارلىق سالالىق جانە مەملەكەتتىك ورگانداردىڭ وكىلدەرى بار. ولار ەندى ماسەلەنى شۇعىل شەشىپ قانا قويماي, رۇقسات جانە تەxنيكالىق قۇجاتتاردى بەرۋ ىسىمەن دە اينالىسادى. سونداي-اق, «بيزنەس مەكتەبى» مەن «كەزەكشى پروكۋرور» دا جۇمىس ىستەيدى.
«بيزنەسكە قاجەتتىنىڭ ءبارىن ءبىر جەرگە شوعىرلاندىردىق. مۇندا جەر قاتىناستارى كوميتەتىنىڭ وكىلدەرى, سۋ, جىلۋ, كارىز جۇيەسى, ەلەكتر ەنەرگياسى سياقتى ينفراقۇرىلىم قىزمەتى وكىلدەرى دە جۇمىس ىستەيدى. كەدەن دەپارتامەنتى دە بار. ءبىر كۇننەن كەيىن سالىق, ادىلەت باسقارمالارى مەن مەملەكەتتىك-جەكەمەنشىك سەرىكتەستىك ورتالىعىنىڭ ماماندارى دا بولادى. ارى-بەرى جۇرمەي, وسى جەردەن ماسەلەسىن شەشىپ, سۇراقتارىنا جاۋاپ الۋعا بارلىق جاعداي جاسالدى», - دەيدى د.احمەتوۆ.
كەزدەسۋ بارىسىندا ايماقتىڭ كوممۋنيكاتسيالارى مەن جەر ۋچاسكەلەرىنىڭ ينتەراكتيۆتى كارتاسى كورسەتىلدى. الداعى ۋاقىتتا ءدال وسىنداي ورتالىق سەمەيدە دە اشىلادى. شقو كاسىپكەرلەر پالاتاسى ديرەكتورى يگور شاتسكيدىڭ ايتۋىنشا, وعان قاجەتتى رەسۋرستار مەن عيمارات دايىن.
ازامات قاسىم,
«ەگەمەن قازاقستان»
وسكەمەن
