فوتو: ەرلان وماروۆ
يىۇ ءسامميتىنىڭ «21 عاسىرداعى قوعام ومىرىنە عىلىم ىقپالىنىڭ ارتۋى» تاقىرىبىنداعى ءبىرىنشى جۇمىس وتىرىسىن قورىتىندىلاعان قازاقستان پرەزيدەنتى نۇرسۇلتان نازارباەۆ بۇل ماسەلەنىڭ بارشا ادامزات ءۇشىن وزەكتى ەكەندىگىن اتاپ ءوتتى.
«الايدا سالانى دامىتۋ ءۇشىن بۇل ماسەلەگە قاتىستى بىرلىگىمىز بەرىك ەكەندىگىن وزگە ەلدەرگە تانىتا ءبىلۋىمىز كەرەك. ءسامميتتىڭ ساياسي قورىتىندى قۇجاتى استانا دەكلاراتسياسىنىڭ قابىلدانۋى سول بىرلىگىمىزدىڭ دالەلى بولۋعا ءتيىس دەپ ويلايمىن. وسى ورايدا, استانا دەكلاراتسياسى قابىلداندى دەپ جاريالاۋعا رۇقسات ەتىڭىزدەر. عىلىم جانە تەحنولوگيالار جونىندەگى ءبىرىنشى سامميت دەكلاراتسياسىنىڭ قابىلدانۋى بارىمىزگە قۇتتى بولسىن!», - دەدى ەلباسى نۇرسۇلتان نازارباەۆ.
بۇعان دەيىن حابارلانعانداي, 10-11 قىركۇيەك كۇندەرى ەلورداداعى تاۋەلسىزدىك سارايىندا ەلباسى نۇرسۇلتان نازارباەۆتىڭ توراعالىعىمەن يسلام ىنتىماقتاستىق ۇيىمىنىڭ عىلىم مەن تەحنولوگيالار جونىندەگى ءبىرىنشى ءسامميتى وتۋدە. سامميتكە يىۇ-عا مۇشە ەلدەردىڭ, سونىمەن قاتار حالىقارالىق جانە وڭىرلىك ۇيىمداردىڭ 80-گە جۋىق دەلەگاتسياسى قاتىسۋدا.
