«اعىمداعى جاعداي مۇسىلمان الەمى الدىنا سىن-قاتەرلەر توندىرۋدە. قازىرگى ۋاقىتتا ءبىز شىنايى قاۋىپتىڭ الدىندا تۇرمىز. سەبەبى تەرروريزم, ەكسترەميزم, يسلاموفوبيا ءورشىپ كەلەدى. بۇعان قوسا, ءبىزدىڭ ەلدەرىمىزدە جۇمىسسىزدىق, ساۋاتسىزدىق پەن كەدەيشىلىك سىندى پروبلەمالار دا بار. ءبىز بۇلارمەن كۇرەسۋىمىز قاجەت ءارى بۇل كۇرەستە عىلىم مەن تەحنولوگيالاردى قولدانۋعا ءتيىسپىز. ءبىز قوعامىمىزعا سايكەسىنشە ءبىلىم بەرۋىمىز كەرەك», - دەدى ول.
ونىڭ ايتۋىنشا, يىۇ تاماشا جەتىستىكتەرگە قول جەتكىزگەن جاس عالىمدارعا ارنالعان مەديتسينا, ينجەنەريا جانە اقپاراتتىق تەحنولوگيالار سالاسىنداعى كەشەندى باعدارلاما ازىرلەۋمەن اينالىسىپ جاتىر.
ەسكە سالا كەتەيىك, بۇل ءسامميتتى وتكىزۋ باستاماسىن 2016 جىلى ىستانبۇلدا يىۇ ءسامميتى بارىسىندا قر پرەزيدەنتى نۇرسۇلتان نازارباەۆ كوتەرگەن بولاتىن. بيىلعى شارا «يسلام الەمىندەگى عىلىم, تەحنولوگيا, يننوۆاتسيا جانە جاڭعىرۋ» تاقىرىبىنا ارنالىپ وتىر. مەملەكەت جانە ۇكىمەت باسشىلارى وسى كەزدەسۋ بارىسىندا العاش رەت عىلىمي-تەحنيكالىق ماسەلەلەردى تالقىلاۋدا.
