25-29 تامىز ارالىعىندا استانادا وتكەن فورۋمدا كورنەكتى عالىمدار, ساياساتكەرلەر, بىرىككەن ۇلتتار ۇيىمىنىڭ جانە باسقا دا حالىقارالىق ۇيىمداردىڭ وكىلدەرى, قاۋىپسىزدىك سالاسىنداعى ساراپشىلار باس قوستى.
ق. توقاەۆ ءوز سوزىندە پاگۋوش كونفەرەنتسياسى اشىلعان ساتىنەن باستاپ ءوزىنىڭ عىلىمي يدەيالارىمەن, يادرولىق قارۋدان ازات الەم قۇرۋ ماسەلەلەرى جونىندەگى اسا ماڭىزدى مازمۇندى جانە سىندارلى پىكىرسايىستارىمەن تانىمال ەكەنىن ەسكە سالدى. توراعا ءتۇرلى مەملەكەتتەردەگى ازاماتتاردىڭ, ونىڭ ىشىندە جاستاردىڭ اراسىندا قارۋسىزدانۋ يدەيالارىن كەڭىنەن تاراتۋدا پاگۋوش قوزعالىسىنىڭ ءرولىن جوعارى باعالادى.
ونىڭ سوزىندە يادرولىق قارۋعا قارسى حالىقارالىق قوزعالىسقا قازاقستاننىڭ جاڭا سەرپىن بەرگەنى اتاپ ءوتىلدى. سەنات توراعاسى: «26 جىل بۇرىن ءدال وسى كۇنى پرەزيدەنت نۇرسۇلتان نازارباەۆتىڭ تاريحي جارلىعىنا سايكەس سەمەي يادرولىق پوليگونى جابىلعان بولاتىن, ول قارۋدى تاراتپاۋ جانە قارۋسىزدانۋ سالاسىنداعى جاھاندىق كۇش-جىگەردە باستى ءرول اتقارادى», - دەپ اتاپ ءوتتى.
ءوزىنىڭ ءسوزىن اياقتاي كەلىپ ق. توقاەۆ قازاقستان رەسپۋبليكاسى بەيبىتشىلىك پەن قاۋىپسىزدىكتى نىعايتۋ ءۇشىن پاگوۋش قوزعالىسىمەن ناتيجەلى بايلانىستاردى جالعاستىرا بەرەتىنىنە سەنىم ءبىلدىردى.
