حالىقارالىق «جايدارمان» ويىنىن ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى مەن «قازاقستان كۆن وداعى» رەسپۋبليكالىق جاستار قوعامدىق بىرلەستىگى ۇيىمداستىرىپ وتىر. جوباعا قازاقستان, رەسەي (تاتار, باشقۇرت), قىرعىزستان ەلدەرىنەن 10 كوماندا قاتىسادى. ويىن 25 تامىزدا "استانا" كونتسەرت زالىندا ساعات 18:30-دا باستالادى.
«جايدارمان» ويىندارى جاستاردىڭ شىعارماشىلىق الاڭى عانا ەمەس, قوعامداعى تۇيتكىل ماسەلەلەردى ازىلمەن استارلاي جەتكىزەتىن ونەر دوداسىنا اينالعان جانە قازاقستاندىقتار ءسۇيىپ كورەتىن تەلەۆيزيالىق جوبا رەتىندە قالىپتاستى. «جايدارمان» الاڭىنىڭ مەكتەپ جاسىنداعى جەتكىنشەكتەرمەن قاتار ستۋدەنتتەردى, جۇمىسشى جاستاردى قوسا العاندا 200 مىڭعا جۋىق تالانتتاردى توپتاستىرعانى كوڭىل قۋانتادى.
جاستاردى قىزىقتىراتىن جوبا قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ مەملەكەتتىك تاپسىرماسى نەگىزىندە وتپەك.
بۇگىندە پرەزيدەنتىمىزدىڭ رۋحاني جاڭعىرۋ جونىندەگى تاعدىر شەشتى ۇندەۋىن جاستارمەن ۇشتاستىرۋ ماقساتى پايدا بولدى. وسى ۇندەۋدەگى – ۇلتتىق سانا, ۇلتتىق بىرەگەيلىكتى ساقتاۋ, ءبىلىمنىڭ سالتانات قۇرۋى تۋرالى بولىمدەر – ەڭ الدىمەن, قازاق جاستارىنا باعىتتالعان ۇستازدىق اقىل مەن تالاپ دەپ تۇسىنەمىز. سونىمەن قاتار جوبانىڭ EXPO-2017 كۇندەرى كەزىندە وتكىزىلۋى وڭ پىكىر قالىپتاستىراتىنىنا سەنىمدىمىز.
