اۋىر اتلەتيكا
تايبەيدە باستالعان ستۋدەنتتەر اراسىنداعى جازعى ۋنيۆەرسيادانىڭ ءبىرىنشى جارىس كۇنىندە قازاقستاندىق زىلتەمىرشى ارلەي چونتەي قازاقستان قورجىنىنا العاشقى مەدالدى سالدى. ول ەرلەر اراسىندا 56 كيلو سالماقتا سىنعا ءتۇسىپ, قولا جۇلدەنى جەڭىپ الدى.
ارلەي چونتەي قوسسايىس بويىنشا 258 كيلونى ەڭسەردى (115-143). ال چونتەيدەن زىلتەمىردى 36 كيلو اۋىر كوتەرگەن سولتۇستىك كورەيا سپورتشىسى چول يۋن وم ۋنيۆەرسيادا چەمپيونى اتاندى. كۇمىس جۇلدە 263 كيلو (119+144) كوتەرگەن دومينيكاندىق لۋيس البەرتو گارسياعا بۇيىردى.
ايتا كەتەيىك, جازعى ۋنيۆەرسيادا 30 تامىزعا دەيىن جالعاسادى. بۇل جارىستا قازاقستاندىق سپورتشىلار جەڭىل اتلەتيكا, ءجۇزۋ, بوكس, كۇرەس جانە باسقا دا سپورت تۇرلەرى بويىنشا سىنعا تۇسۋدە.
جەڭىل اتلەتيكا
انگليانىڭ بيرمينگەم قالاسىندا جەڭىل اتلەتيكادان «گاۋھار ليگانىڭ» ىرىكتەۋ كەزەڭى اياقتالدى. سوڭعى كەزەڭدە ولگا رىپاكوۆا 14,19 مەترگە سەكىرىپ, ءۇشىنشى ورىن يەلەندى. ال باس جۇلدە 14,51 مەترگە سەكىرگەن كولۋمبيالىق كاترين يبارگۋەنگە بۇيىردى. ەكىنشى ورىنعا يامايكا سپورتشىسى كيمبەرلي ۋيليامس (14,44) تۇراقتادى.
وسىلايشا, 2017 جىلعى «گاۋھار ليگا» ءتۋرنيرىنىڭ ىرىكتەۋ كەزەڭى اياقتالدى. ەندى الدا سپورتشىلاردى فينالدىق كەزەڭ كۇتىپ تۇر. تۋرنير شۆەيتساريانىڭ تسيۋريح قالاسىندا وتەدى.
تەننيس
ەرلەر اراسىنداعى حالىقارالىق تەننيس قاۋىمداستىعى (اتر) سپورتشىلاردىڭ جاڭارتىلعان رەيتينگىن جاريالادى. بۇل تىزىمدە قازاقستاندىق تەننيسشىلەر ميحايل كۋكۋشكين مەن الەكساندر بۋبليك ۇزدىك جۇزدىككە ءبىرتابان جاقىندادى. رەيتينگتە كۋكۋشكين 102-ءشى ورىنعا, ال بۋبليك 103-ءشى ورىنعا ورنالاسقان. ال 7 645 ۇپاي جيناعان يسپاندىق رافاەل نادال الەمنىڭ ءبىرىنشى راكەتكاسى اتاندى.
سونىمەن قاتار, ايەلدەر تەننيس قاۋىمداستىعى دا (WTA) رەيتينگتەرىن جاڭارتتى. قازاقستاننىڭ ءبىرىنشى راكەتكاسى يۋليا پۋتينتسەۆا ءبىر ساتىعا جوعارى كوتەرىلىپ, توپ-50 ۇزدىك تەننيسشىلەردىڭ قاتارىنا ەندى. ياروسلاۆا شۆەدوۆا ء وزىنىڭ 81-ءشى ورنىن ساقتاپ قالدى. زارينا دياس ءبىر ساتىعا تومەن ءتۇسىپ, 108-ءشى ورىنعا تۇراقتادى. قىزدار اراسىنداعى رەيتينگتە چەح قىزى كارولينا پليشكوۆا 6 390 ۇپايمەن كوش باستاپ تۇر.
ازىرلەگەن ءالي بيتورە,
«ەگەمەن قازاقستان»
