القا وتىرىسىنا قازاقستان رەسپۋبليكاسىنىڭ ىشكى ىستەر ءمينيسترى ق. قاسىموۆ, رەسەي فەدەراتسياسىنىڭ ىشكى ىستەر ءمينيسترى ۆ.كولوكولتسەۆ, سونداي-اق ەكى ەل مينيسترلەرىنىڭ ورىنباسارلارى, قر ءىىم جانە رف ءىىم ورتالىق اپپاراتتارىنىڭ باسشىلارى, تمد-داعى ۇيىمداسقان قىلمىسقا جانە قىلمىستىڭ وزگە دە قاۋىپتى تۇرلەرىنە قارسى كۇرەستى ۇيلەستىرۋ جونىندەگى بيۋروسىنىڭ (بكبوپ سنگ) ديرەكتورى, وسى بيۋروعا قازاقستان رەسپۋبليكاسىنان تاعايىندالعان وكىل, سونداي-اق جەكەلەگەن وڭىرلەردىڭ ءىىد باسشىلارى قاتىستى.
جيىندا مينيسترلەر بىرلەسكەن القانىڭ ەكىنشى وتىرىسىندا (وسكەمەن ق. 2016 ج) قابىلداعان شەشىمدەردىڭ ساتىمەن جۇزەگە اسىرىلىپ جاتقانىن, سونىڭ ىشىندە شەكارالىق ىنتىماقتاستىق ايتارلىقتاي ارتا تۇسكەنىن اتاپ ءوتتى.
كەزدەسۋ بارىسىندا قازاقستان مەن رەسەي ىشكى ىستەر ورگاندارىنىڭ زاڭسىز ەسىرتكى اينالىمىنا قارسى كۇرەس سالاسىنداعى ەكىجاقتى ىنتىماقتاستىعى جان-جاقتى قاراستىرىلدى. وسى ماسەلە بويىنشا قازاقستان مەن رەسەيدىڭ شەكەرالاس وڭىرلەرىندە, دالىرەك ايتقانداي كاسپي تەڭىزى اۋماعىندا جەدەل الدىن الۋ وپەراتسيالارىن وتكىزۋ تۋرالى شەشىم قابىلداندى.
بۇعان قوسا, تاراپتار زاڭسىز كوشى-قونعا قارسى ءىس-قيمىل سالاسىنداعى ىنتىماقتاستىعىن ۇيىمداستىرۋ, ۇلتتىق زاڭنامالارداعى وزگەرىستەر تۋرالى مالەمەتتەردى جەدەل الماسۋ جانە وسى باعىتتاعى ءتيىمدى جۇمىس تاجىريبەسىمەن ءبولىسۋدى جانداندىرۋ ماسەلەلەرى بويىنشا پىكىر الماستى.
وتىرىستىڭ قورىتىندىسىندا دەلەگەتسيا باسشىلارى زاڭسىز ەسىرتكى اينالىمىنا قارسى كۇرەستە ۆەدومستۆوارالىق ىنتىماقتاستىقتى جەتىلدىرۋ, سونداي-اق زاڭسىز كوشى-قونعا قارسى ءىس-قيمىل سالاسىنداعى ەكىجاقتى ىنتىماقتاستىقتى ۇيىمداستىرۋعا قاتىستى شەشىمدەرگە قول قويىپ, سونىمەن بىرگە بىرلەسكەن القانىڭ 2018 جىلعى جۇمىس جوسپارىن بەكىتتى.
قازاقستان رەسپۋبليكاسى مەن رەسەي فەدەراتسياسى ىشكى ىستەر مينيسترلىكتەرىنىڭ بىرلەسكەن القاسىنىڭ كەلەسى وتىرىسى قازاقستاندا وتكىزىلەتىن بولدى.
