جايدارمان ويىندارى جازعى دەمالىسىنان كەيىنگى ءداستۇرلى تۇردە وتەتىن العاشقى ويىنى "جاستار" جازعى فەستيۆالى مارەسىنە جەتتى. جىل سايىن حالىقارالىق "جاستار كۇنىنە" وراي وتەتىن سايىستا, 15 كوماندا اراسىنان استانالىق "سارىارقا اۋدانى قۇراماسى" ۇزدىك ونەر كورسەتىپ, باس جۇلدەنى يەلەندى. ال ەكىنشى ورىندى اتىراۋ وبلىسىنان كەلگەن "ميالى" كومانداسى السا, ءۇشىنشى ورىندى ەكى بىردەي وڭتۇستىكقازاقستاندىق توپ - جەتىسايلىق «الاقاي - بالاقاي» مەن "سارىاعاش قۇراماسى" قانجىعاسىنا بايلادى.
ويىنعا ويىنعا ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەن ۇلى, تانىمال تەلەجۇرگىزۋشى دانا نۇرجىگىت, بەلگىلى ساياساتتانۋشى ايدوس سارىم, تەلەجۇرگىزۋشى بەرىك ءۋالي جانە قوعام قايراتكەرى مۇرات ابەنوۆ قازىلىق ەتتى.
