«ورلەۋ» بىلىكتىلىكتى كوتەرۋ ۇلتتىق ورتالىعى قوستاناي وبلىستىق فيليالىنىڭ ديرەكتورى ماريونەللا سلەسار ساندىق رەسۋرستىڭ يننوۆاتسيالىق جوبا ەكەنىن ايتا كەلىپ, جول قوزعالىسى ەرەجەسىن ۇيرەتۋدە ونىڭ بالالارعا قىزىقتى بولاتىنىن, زەرىكتىرمەيتىنىن جەتكىزدى. وبلىستىق ىشكى ىستەر دەپارتامەنتى جەرگىلىكتى پوليتسيا قىزمەتىنىڭ باستىعى, پوليتسيا پولكوۆنيگى نىعمەت ىسماعۇلوۆتىڭ ايتۋىنشا, بۇل جوبانىڭ بالالاردىڭ جولداعى جاراقاتىنىڭ ازايۋىنا سەپتىگى تيەتىن بولادى.
جول قوزعالىسى ەرەجەسىنىڭ ساندىق رەسۋرسىنىڭ تۇساۋكەسەرگە ارنالعان بۋكلەتى جىتىقارا اۋداندىق ءماسليحاتىنىڭ دەپۋتاتى گۇلسارا جامانقۇلوۆانىڭ قولداۋىمەن قازاق جانە ورىس تىلدەرىندە باسىلىپ شىقتى. الداعى ۋاقىتتا ەلەكتروندى وقۋلىق قوستاناي وبلىسى مەن رەسپۋبليكاداعى بارلىق مەكتەپتەرگە تاراتىلىپ بەرىلەدى. سونىمەن قاتار ونى «ورلەۋدىڭ» سايتىنان دا كوشىرىپ الۋعا بولادى.
– رەسۋرس قولجەتىمدى, بارشاعا تۇسىنىكتى پلاتفورمادا دايىندالعان. سوندىقتان ونى كومپيۋتەرلەرگە ءتۇرلى سيپاتپەن جۇكتەۋگە بولادى. ونى قاراۋ ءۇشىن ينتەرنەت جەلىسىنە قوسىلۋدىڭ قاجەتى جوق, بارلىق مۋلتيمەديالىق كونتەنت, كەرەكتى باعدارلامالار رەسۋرستىڭ وزىندە ساقتالادى, – دەدى ماريونەللا ۆاسيلەۆنا. – باعدارلاما جول قوزعالىسى ەرەجەسى بويىنشا نورماتيۆتىك-قۇقىقتىق قۇجاتتار, تيپتىك وقۋ باعدارلاماسى, ساباقتار مەن قوسىمشالار دايىنداۋ, كىشكەنتاي بالالار ءۇشىن جول ەرەجەسىن ساقتاۋ تۋرالى تاقىرىپتىق مۋلتفيلمدەر سەكىلدى ءتورت بولىمنەن تۇرادى.
– بيىلعى جىلدىڭ ءبىرىنشى جارتىسىندا وبلىس وڭىرىندە جاسوسپىرىمدەر زارداپ شەككەن 30 جول-كولىك وقيعاسى تىركەلدى. ودان ءبىر بالا قازا تاۋىپ, 32 بالا ءتۇرلى دەڭگەيدەگى جاراقات الدى. جارتى جىلدا 6 جول-كولىك وقيعاسى جاسوسپىرىمدەردىڭ كىناسىنەن ورىن العان. زارداپ شەككەن 18 بالا جاياۋ جۇرگىنشى, ەكى بالا ۆەلوسيپەد ايداپ بارا جاتقان, 10 بالا كولىكتە جولاۋشى ءجۇرىپ بارا جاتقان. تاعى ءبىر مالىمەت, ەڭ كوپ جاراقات العاندارعا 10 جانە 14 جاسقا دەيىنگى, ەكىنشى ورىنعا 7 جاستاعى جانە ءۇشىنشى ورىنعا 7 مەن 10 جاسقا دەيىنگى بالالاردى قويۋعا بولادى. جول قوزعالىسى ەرەجەسىنىڭ ساندىق رەسۋرسى ناق وسى ساناتتاعى بالالارعا ارنالىپ جاسالعانى قۋانتادى, – دەدى وبلىستىق ىشكى ىستەر دەپارتامەنتى جەرگىلىكتى پوليتسيا قىزمەتىنىڭ بولىمشە باستىعى, پوليتسيا پودپولكوۆنيگى ايگۇل بەكماعامبەتوۆا.
ءنازيرا جارىمبەت,
«ەگەمەن قازاقستان»
قوستاناي
