جەكپە-جەك شىمىلدىعىن 49 كيلو سالماقتاعى تەمىرتاس ءجۇسىپوۆ پەن يوحانۋس ارگيلاگوس اشىپ بەردى. قازاقستاندىق بوكسشى قارسىلاسىن بەت قاراتقان جوق.
كەزدەسۋدە تەمىرتاس ءجۇسىپوۆ قارسىلاسىنان جاس جاعىنان دا تاجىريبە جاعىنان دا باسىم ەكەنىن انىق بايقاتتى. كۋبالىق بوكسشى العاشقى راۋندا قارسىلاسىپ باققان. ايتسە دە, ءجۇسىپوۆ قارسىلاسىنان شيراق قيمىلداپ, ءار راۋند سايىن ءدال سوققىلار جاساپ, قارسىلاسىنان باسىم ءتۇستى. جەكپە-جەكتىڭ سوڭىنا تامان تەمىرتاس كۇشىنە ەنىپ, ارگيلاگوستىڭ اپشىسىن قۋىرعان. تورەشىلەر ءبىر اۋىزدان جەڭىستى 3:0 ەسەبىمەن جۇسىپوۆكە بەردى.
كەزدەسۋدەن كەيىن تەمىرتاس ءجۇسىپوۆ جۋرناليستەرگە بەرگەن سۇحباتىندا جانكۇيەرلەرگە قولداۋى ءۇشىن راحمەت ايتتى:
- كەزدەسۋدە باپكەرلەرىمنىڭ ايتقاندارىن تولىق ورىنداپ شىقتىم. كەشەگى سالماق ولشەۋدەن سوڭ قارسىلاسىم جىندانىپ شىققان, بۇگىنگى كەزدەسۋدە ول ءوزىن جوعالتىپ الدى. سونداي-اق, جانكۇيەرلەرگە قولداۋلارى ءۇشىن العىس بىلدىرەمىن.
ايتا كەتەيىك, ەكى بوكسشى 2015 جىلعى فينالدا جولىعىپ, كەزدەسۋ ءجۇسىپوۆتىڭ جەڭىسىمەن اياقتالعان بولاتىن.
