وتىرىسقا بۇۇ ازىق-ت ۇلىك جانە اۋىلشارۋاشىلىق ۇيىمى (فاو), بۇۇ ساۋدا جانە دامۋ كونفەرەنتسياسى (يۋنكتاد), بۇۇ-نىڭ قورشاعان ورتا جونىندەگى باعدارلاماسى (يۋنەپ), ەكونوميكالىق ىنتىماقتاستىق جانە دامۋ ۇيىمى (ەىدۇ), ستاندارتتاۋ بويىنشا حالىقارالىق ۇيىم (يسو), بۇۇ كليماتتىڭ وزگەرۋى بويىنشا كونۆەنتسياسى (ركيك) جانە دسۇ−عا مۇشە بارلىق مەملەكەتتەردىڭ وكىلدەرى قاتىستى.
كەڭەستى اشا وتىرىپ, ج.ايتجانوۆا وسى جىلدىڭ جەلتوقسان ايىندا بۋەنوس-ايرەستە (ارگەنتينا) وتەتىن 11-ءشى دسۇ مينيسترلىك كونفەرەنتسيانىڭ قورىتىندى كۇجاتتارىن زەردەلەۋ ماقساتىندا ساۋدا جانە قورشاعان ورتا اراسىنداعى ەكىجاقتى قارىم-قاتىناستاردىڭ ماڭىزىنا توقتالا كەلە, قاتىسۋشىلاردى اشىق جانە بەلسەندى پىكىرتالاسقا شاقىردى.
وتىرىس بارىسىندا دسۇ حاتشىلىعى وكىلىنىڭ دسۇ الاڭىندا وتكەن كەلىسسوزدەر جايلى بايانداماسى تىڭدالدى. جۇرگىزىلگەن كەلىسسوزدەردىڭ نەگىزگى ماقساتى بالىقتاردىڭ بەلگىلى تۇرلەرىن اۋلاۋعا بولىنەتىن قاراجاتقا تىيىم سالۋ جايلى كوپجاقتى كەلىسىمدەرگە كەلۋ بولىپ تابىلادى. شامادان تىس بالىق اۋلاۋعا جانە بالىق اۋلاۋدىڭ دەڭگەيىن ارتتىراتىن, زاڭسىز, تىركەلمەگەن جانە رەتتەلمەگەن بالىق اۋلاۋعا بولىنەتىن قاراجاتقا تىيىم سالىنادى دەپ كۇتىلۋدە. بۇل كەلىسسوزدەردىڭ دسۇ مۇشەلەرى اراسىندا بەلسەندى تالقىلانىپ جاتقانى جانە ولاردىڭ ءساتتى اياقتالۋى دسۇ مينيسترلىك كونفەرەنتسياسىنىڭ ەڭ ماڭىزدى ناتيجەلەرىنىڭ ءبىرى بولاتىنى اتاپ ءوتىلدى.
سونىمەن قاتار, اۆستراليا وكىلى ەكولوگيالىق تاۋارلار جايلى پليۋريراتەرالدىق كەلىسىمگە قول قويۋ بويىنشا كەلىسسوزدەر ۇدەرىسى تۋرالى قىسقاشا بايانداما جاسادى. كەلىسىم اكەلىنگەن تاۋارلارعا جانە جابدىقتارعا قاتىستى كەدەندىك باجداردى جويۋعا باعىتتالعان. بۇل, ءوز كەزەگىندە, شاعىن جانە ورتا بيزنەس سۋبەكتىلەرىنىڭ «جاسىل» تەحنولوگيالارعا قولجەتىمدىلىگىن جاقسارتادى جانە جاڭارتىلعان ەنەرگيا كوزدەرى اياسىنداعى جوبالاردى دامىتۋعا قوسىمشا ىقپال ەتەدى.
كەزدەسۋ بارىسىندا فاو وكىلى ۇيىمنىڭ زاڭسىز, تىركەلمەگەن جانە رەتتەلمەيتىن بالىق اۋلاۋعا قارسى كۇرەس تۋرالى جوبالارىمەن تانىستىردى. زاڭسىز بالىق اۋلاۋ ماسەلەسىن قاداعالاۋدى جەدەل قولعا الۋ قاجەتتىلىگى دسۇ مۇشەلەرىنىڭ بىرقاتار دەلەگاتسيالارى تاراپىنان قولداۋ تاپتى جانە ولار وسى وندىرىسكە بالىق اۋلاۋدىڭ 30%-ى نەمەسە 10-23 ملرد اقش دوللارى تيەسىلى ەكەنىن كولدەنەڭ تارتتى.
وتىرىستا تاعى ءبىر ماڭىزدى ماسەلە – پاريج كليمات كەلىسىمىن جۇزەگە اسىرۋ ۇدەرىسى قارالدى. ركيك وكىلى وتىرىسقا قاتىسۋشىلاردى كليمات بويىنشا جالعاسىپ جاتقان حالىقارالىق تالقىلاۋ بارىسىمەن تانىستىرىپ ءوتتى. بۇگىنگى تاڭدا 148 ەل پاريج كەلىسىمىن راتيفيكاتسيالادى, ەندىگى باستى مىندەت ونى ىسكە اسىرۋ جونىندەگى جۇمىس باعدارلاماسىن پىسىقتاۋ بولىپ تابىلادى.
وسى سەگمەنت اياسىندا كورەيا رەسپۋبليكاسى, جاڭا زەلانديا جانە پەرۋ وكىلدەرى پاريج كەلىسىمىندە كورسەتىلگەن مىندەتتەرگە قول جەتكىزۋ ماقساتىندا ورتاق جوسپارلارىن ۇسىندى.
قازاقستان دەلەگاتسياسى وتىرىسقا قاتىسۋشىلاردى پاريج كەلىسىمىن ىسكە اسىرۋ بويىنشا ءوز باستامالارىمەن تانىستىرىپ, استانادا «بولاشاقتىڭ ەنەرگياسى» تاقىرىبىمەن ەكسپو-2017 كورمەسى ءوتىپ جاتقانىنان حاباردار ەتتى. سونداي-اق, دەلەگاتسيا مۇشەلەرى ەكسپو-2017 شەڭبەرىندە «ەنەرگەتيكانىڭ تۇراقتى دامۋىن قامتاماسىز ەتۋ» اتتى مينيسترلىك كونفەرەنتسياسى ءوتىپ, وندا «جاسىل» تەحنولوگيالار مەن ينۆەستيتسيالاردىڭ حالىقارالىق ورتالىعىن استانادا اشۋ تۋرالى شەشىم قابىلدانعانى تۋرالى اقپاراتتى دا قاتىسۋشىلارعا جەتكىزدى.
دسۇ-نىڭ ساۋدا جانە قورشاعان ورتانى قورعاۋ جونىندەگى كوميتەتىنىڭ كەزەكتى وتىرىسى قاراشا ايىنا جوسپارلانىپ وتىر.
«ەگەمەن-اقپارات»
