ماۋسىم ايى قازاق ەلى ءۇشىن ءتۇرلى وقيعالارعا تولى بولدى. ءبىرىنشى كەزەكتە قازاقستان مەن ورتالىق ازيادا تۇڭعىش رەت ەكسپو-2017 حالىقارالىق كورمەسىنىڭ وتكىزىلۋىن اتاپ كورسەتكەن ءجون. كورمەنىڭ اشىلۋ سالتاناتى اسا جوعارى دەڭگەيدە ۇيىمداستىرىلعانىن كوردىك. قازىرگى كەزدە ءتۇرلى ەلدەردىڭ پاۆيلوندارى اشىلىپ, بولاشاقتىڭ ەنەرگياسى پلانەتامىزدىڭ كەلەشەگىن ايقىندايتىن نەگىزدەگى جاڭالىقتارىمەن ەرەكشەلەنەدى. ەكسپو قارساڭىندا حالىقارالىق اۋەجاي جاڭعىرتۋدان ءوتتى.
استانا اۋەجايى ەلوردانىڭ اۋە قاقپاسى عانا ەمەس, ول – ۇلى جىبەك جولىنا ەنگىزىلگەن ورتاق جوبا, كولىك-لوگيستيكالىق حاب. استانا اۋەجايىنىڭ ەلباسى اتىمەن اتالۋى پرەزيدەنتكە دەگەن قۇرمەت جانە استانا مەن قازاقستان اتاۋلارىن يميدجدىك تۇرعىدان نىعايتا ءتۇسۋدىڭ جاڭا رەسۋرستارى دا بولىپ تابىلادى. ال الەمدىك تاجىريبەدە مۇنداي مىسالدار از ەمەس. قورىتا ايتقاندا, نازارباەۆ – ۇلتتىق ماقتانىشىمىز. استانا حالىقارالىق اۋەجايىنىڭ اتاۋى بەرىلۋى جوعارىداعى سوزدەرىمىزدى تەك قۋاتتاي تۇسەدى.
زارەما شاۋكەنوۆا,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ (قسزي) ديرەكتورى, ۇلتتىق عىلىم اكادەمياسىنىڭ مۇشە-كوررەسپوندەنتى
