شىندىعى سول, نۇرسۇلتان نازارباەۆتىڭ ەسىمى «جارقىن بولاشاقتىڭ سيمۆولى» بولىپ تابىلادى. ءبىز, قازاقستان حالقى ەلباسىمىزدىڭ كوشباسشىلىعىمەن كەڭەس وداعىنىڭ ءۇيىندىسىنىڭ ورنىندا جاڭا, زاماناۋي مەملەكەت تۇرعىزدىق. ونىڭ اجارلى استاناسىن سالدىق. ءبىز سونىمەن ءبىر ۋاقىتتا, بولمىس-مەنتاليتەتىمىزدى, پسيحولوگيامىزدى دا تۇبەگەيلى وزگەر-
ءتىپ, ءوز ەلىمىزدە ءوزىمىزدى قوجايىندارشا ۇستاۋعا, بار شارۋانى يەسىندەي ۇقساتۋعا ۇيرەندىك.
ەلباسى ءبىزدى ماڭگىلىك ەل بولۋ, «دامىعان ەلدەر قاتارىنا قوسىلۋ» سەكىلدى ۇلى ماقسات-مۇراتتار جولىندا جۇمىلدىردى. دەمەك, قازاقستاننىڭ تۇڭعىش پرەزيدەنتىنىڭ ەسىمى مەن ەڭبەگى قانداي قوشەمەتكە دە لايىق. ايتقانداي, اۋەجايعا ەلباسى اتىنىڭ بەرىلۋىنىڭ ءبىر نىشاندىق ءمانى بار: بۇل «اۋە قاقپاسىنان» ۇشاقتار بيىكتەرگە سامعاي كوتەرىلەدى. تاۋەلسىزدىكتىڭ شيرەك عاسىردان استام ۋاقىتى ىشىندە ەلباسى قازاقستاندى ءاردايىم جوعارى دەڭگەيگە كوتەرىپ كەلەدى. ال بىزدەن – قازاقستان حالقىنان زاڭعار بيىكتەن قورىقپاي, جاڭا جاعدايلارعا بوي ۇيرەتۋ تالاپ ەتىلەدى. سەبەبى, اسقار شىڭداردان جاڭا كوكجيەكتەر اشىلادى.
باقىتبەك سماعۇل,
پارلامەنت ءماجىلىسىنىڭ دەپۋتاتى, «قازاقستان ارداگەرلەرى» اۋىمداستىعىنىڭ توراعاسى
