«اعىمداعى جىلى سىرتقى احۋالدىڭ جاقسارۋى ەسەبىنەن ەكونوميكالىق بەلسەندىلىكتىڭ جانە ەكونوميكانىڭ ناقتى سالالارى كورسەتكىشتەرىنىڭ جاقسارۋى بايقالادى. الدىن الا مالىمەتتەر بويىنشا, 2017 جىلعى 5 ايداعى ەلدەگى ەكونوميكالىق ءوسىم 4,1 پايىزدى قۇرادى. اعىمداعى جىلى 5 ايداعى ينۆەستيتسياعا سالىنعان نەگىزگى كاپيتال 5,2 پايىزعا ءوستى», – دەدى مينيستر.
تيمۋر سۇلەيمەنوۆ مينيسترلىك ۇلتتىق قوردىڭ جاڭا تۇجىرىمداماسىن جۇزەگە اسىرۋعا كىرىسكەنىن تىلگە تيەك ەتتى. ء«ۇش جىلدىق مەرزىمدە ۇلتتىق قوردىڭ قاراجاتىن پايدالانۋدى ونىڭ اكتيۆتەرىن تۇراقتاندىرۋ ءۇشىن ايتارلىقتاي قىسقارتۋ جوسپارلانۋدا. ۇلتتىق قوردىڭ كەپىلدەندىرىلگەن ترانسفەرتتەرىنىڭ كولەمى ءۇش جىل ىشىندە 880 ملرد تەڭگەگە, 2020 جىلدان باستاپ 2 ترلن تەڭگەگە قىسقارتىلاتىن بولادى», – دەدى ول.
ت.سۇلەيمەنوۆتىڭ ايتۋىنا قاراعاندا, ۇلتتىق ەكونوميكا مينيسترلىگى قارجى مينيسترلىگىمەن بىرلەسىپ, بيۋدجەتتىك پروتسەسسينگتى وڭايلاتۋ جانە مەملەكەتتىك ورگانداردىڭ دەربەستىگىن كەڭەيتۋ جولىمەن مەملەكەت قارجىسىنىڭ ەكونوميكاعا وتكىزىلۋىن جەدەلدەتۋگە مۇمكىندىك بەرەتىن بيۋدجەت كودەكسىنە تۇزەتۋلەر ازىرلەدى.
«قازىرگى ۋاقىتتا مەملەكەتتىك ورگانداردىڭ وكىلدەرى, بيزنەس-قوعامداستىق, «اتامەكەن» ۇكپ, ۇكىمەتتىك ەمەس جانە حالىقارالىق ۇيىمداردىڭ بەلسەندى قاتىسۋىمەن جاڭا سالىق كودەكسى جوباسىن دايىنداۋ بويىنشا جۇمىستار جۇرگىزىلۋدە. وسى جۇمىستاردىڭ اياسىندا ءماتىننىڭ ءوزىن تالقىلاۋ جۇرۋدە. جاڭا سالىق كودەكسىنىڭ جوباسى, تۇجىرىمداماسى جانە تانىستىرىلىم ماتەريالى ۇلتتىق ەكونوميكا مينيسترلىگىنىڭ سايتىندا ورنالاستىرىلعان», – دەدى ۆەدومستۆو باسشىسى.
سونىمەن قاتار, مينيسترلىك 2020 جىلعا دەيىنگى وڭىرلەردى دامىتۋ باعدارلاماسى اياسىندا ءاربىر ماكرووڭىر ءۇشىن ينۆەستيتسيالىق باسىمدىقتى انىقتاۋ, ەلدىڭ اۋماقتىق دامۋىن جەتىلدىرۋ, تكش جاڭعىرتۋ, حالىقتى اۋىز سۋمەن جانە سۋ تارتۋمەن قامتۋ بويىنشا مىندەتتەردى جۇزەگە اسىرۋدا. «تۇتاس العاندا, باعدارلامانى جۇزەگە اسىرۋعا 2017 جىلعا رەسپۋبليكالىق بيۋدجەتتەن 86,3 ملرد تەڭگە قاراستىرىلعان, 2017 جىلعى 1 ماۋسىمداعى جاعداي بويىنشا, جەرگىلىكتى اتقارۋشى ورگاندار ارقىلى ونىڭ 20,2 ملرد تەڭگەسى يگەرىلگەن. قاراجات بەكىتىلگەن قارجىلاندىرۋ جوسپارىنا سايكەس بولىنۋدە» دەدى مينيستر.
راۋان قايدار,
«ەگەمەن قازاقستان»
