ق.توقاەۆ ماجارستاننىڭ «ەكسپو-2017» حالىقارالىق كورمەسىنە قاتىسقانى ءۇشىن ريزاشىلىعىن جەتكىزدى جانە «جاسىل تەحنولوگيالار» سالاسىندا ەلدىڭ تاجىريبەسى كورمەنىڭ تابىستى وتۋىنە ماڭىزدى ۇلەس قوساتىنىنا سەنىم ءبىلدىردى. سەنات توراعاسى ەكى مەملەكەتتىڭ زاڭ شىعارۋشى ورگاندارى اراسىنداعى ىنتىماقتاستىقتىڭ جوعارى دەڭگەيدە ەكەنىن اتاپ ءوتتى جانە الداعى ۋاقىتتا دا پارلامەنتارالىق بايلانىستاردى كەڭەيتە تۇسۋگە ۇندەدى. كەزدەسۋ بارىسىندا ساۋدا-ەكونوميكالىق جانە گۋمانيتارلىق بايلانىستاردى دامىتۋ جايى, سونداي-اق, حالىقارالىق كۇن تارتىبىندەگى وزەكتى ماسەلەلەر تالقىلاندى.
سول كۇنى قاسىم-جومارت توقاەۆ تۇركىتىلدەس مەملەكەتتەر ىنتىماقتاستىعى كەڭەسىنىڭ باس حاتشىسى راميل گاسانوۆتى قابىلدادى. توراعا ۇلتتىق سپورت پەن جاستار اۋماعىنداعى ىنتىماقتاستىققا ارنالعان تۇركىتىلدەس مەملەكەتتەر ىنتىماقتاستىعى كەڭەسىنىڭ التىنشى سامميتىنە دايىندىق تۋرالى حاباردار بولدى. جۋىردا وتەتىن تۇركى تىلدەس مەملەكەتتەر باسشىلارىنىڭ كەزدەسۋى باۋىرلاس ەلدەر اراسىنداعى ىنتىماقتاستىقتى تەرەڭدەتۋگە سەرپىن بەرەتىنىنە سەنىم ءبىلدىرىلدى.
ق.توقاەۆ ر.گاسانوۆقا تۇركى كەڭەسىنىڭ باس حاتشىسى رەتىندە بەلسەندى جۇمىس اتقارعانى ءۇشىن العىسىن ءبىلدىردى. كەڭەستىڭ كەلەسى باس حاتشىسى ەتىپ قازاقستاندىق وكىلدى سايلاۋ جوسپارلانعان.
