«اعىمداعى جىلى سىرتقى احۋالدىڭ جاقسارۋى ەسەبىنەن ەكونوميكالىق بەلسەندىلىكتىڭ جانە ەكونوميكانىڭ ناقتى سالالارى كورسەتكىشتەرىنىڭ جاقسارۋى بايقالادى. الدىن الا مالىمەتتەر بويىنشا, 2017 جىلعى 5 ايداعى ەلدەگى ەكونوميكالىق ءوسىم 4,1%-دى قۇرادى, ال وتكەن جىلعى ۇقساس مەرزىمدە 0,2%-عا تومەندەۋ بايقالعان ەدى», - دەدى مينيستر.
ول ا.ج.5 ايداعى ينۆەستيتسياعا سالىنعان نەگىزگى كاپيتال 5,2%-عا وسكەندىگىن اتاپ كورسەتتى.
«اعىمداعى جىلى مينيسترلىك ۇلتتىق قوردىڭ جاڭا تۇجىرىمداماسىن جۇزەگە اسىرۋعا كىرىستى. ۇشجىلدىق مەرزىمدە ۇلتتىق قوردىڭ قاراجاتىن پايدالانۋدى ونىڭ اكتيۆتەرىن تۇراقتاندىرۋ ءۇشىن ايتارلىقتاي قىسقارتۋ جوسپارلانۋدا. ۇلتتىق قوردىڭ كەپىلدەندىرىلگەن ترانسفەرتتەرىنىڭ كولەمى ءۇش جىل ىشىندە 880 ملرد.تەڭگەگە, 2020 جىلدان باستاپ 2 ترلن.تەڭگەگە قىسقارتىلاتىن بولادى», - دەدى سۇلەيمەنوۆ.
ول وسى ەسەپتەن 2018-2020 جىلدارعا رەسپۋبليكالىق بيۋدجەت جوباسىن قۇرۋ اياسىندا ا.ج. تامىزدا مينيسترلىك ۇلتتىق قوردىڭ بيۋدجەتتىك پارامەترلەرىن انىقتايتىنىن جانە ورتامەرزىمدىك كەزەڭگە بولجام جاسالاتىنىن اتاپ ءوتتى.
سۇلەيمەنوۆتىڭ ايتۋىنا قاراعاندا, ۇلتتىق ەكونوميكا مينيسترلىگى قارجى مينيسترلىگىمەن بىرلەسىپ, بيۋدجەتتىك پروتسەسسينگتى وڭايلاتۋ جانە مەملەكەتتىك ورگانداردىڭ دەربەستىگىن كەڭەيتۋ جولىمەن مەملەكەت قارجىسىنىڭ ەكونوميكاعا وتكىزىلۋىن جەدەلدەتۋگە مۇمكىندىك بەرەتىن بيۋدجەت كودەكسىنە تۇزەتۋلەر ازىرلەدى.
«قازىرگى ۋاقىتتا مەملەكەتتىك ورگانداردىڭ وكىلدەرى, بيزنەس-قوعامداستىق, قر «اتامەكەن» ۇكپ, ۇكىمەتتىك ەمەس جانە حالىقارالىق ۇيىمداردىڭ بەلسەندى قاتىسۋىمەن جاڭا سالىق كودەكسى جوباسىن دايىنداۋ بويىنشا جۇمىستار جۇرگىزىلۋدە. وسى جۇمىستاردىڭ اياسىندا ءماتىننىڭ ءوزىن تالقىلاۋ جۇرۋدە. جاڭا سالىق كودەكسىنىڭ جوباسى, تۇجىرىمداماسى جانە تانىستىرىلىم ماتەريالى ۇلتتىق ەكونوميكا مينيسترلىگىنىڭ سايتىندا ورنالاستىرىلعان», - دەدى مينيستر.
ول «جاڭا سالىق كودەكسى قولدانىستاعىدان مۇلدە وزگە قۇرىلىمىمەن, جاڭا يدەولوگياسىمەن ەرەكشەلەنەتىندىگىن, ال ونىڭ مازمۇنى جەڭىل بولاتىندىعىن» اتاپ كورسەتتى.
جەكەشەلەندىرۋ باعدارلاماسى تۋرالى ايتا كەلىپ, سۇلەيمەنوۆ, 8-دەن كەم ەمەس ۇلتتىق كومپانيا IPO/SPO-عا شىعارىلاتىنىن حابارلادى. بۇلار «ەير استانا» اق, «قازاتومپروم» ۇاك اق, «قازاقتەلەكوم» اق, «قازمۇنايگاز» ۇك» اق, «قازپوشتا» اق, «سامۇرىق-ەنەرگو» اق, «قازاقستانتەمىرجولى» ۇك» اق, «تاۋكەنسامۇرىق» ۇك» اق.
«اتالعان كومپانيالاردى شىعارۋدىڭ باسىم الاڭى رەتىندە استاناداعى حالىقارالىق قارجى ورتالىعى (AFS) قاراستىرىلۋدا. ساتىلىمنىڭ باستالۋى 2018 جىلدان باستاپ جوسپارلانۋدا, بۇل دايىندىق جۇمىستارىن, حولدينگتەردى وڭتايلاندىرۋ مەن ترانسفورماتسيالاۋ شارالارىن جۇرگىزۋ قاجەتتىگىمەن بايلانىستى», دەدى مينيستر.
سونىمەن قاتار, مينيسترلىك 2020 جىلعا دەيىنگى وڭىرلەردى دامىتۋ باعدارلاماسى اياسىندا ءاربىر ماكرووڭىر ءۇشىن ينۆەستيتسيالىق باسىمدىقتى انىقتاۋ; ەلدىڭ اۋماقتىق دامۋىن جەتىلدىرۋ; تكش جاڭعىرتۋ; حالىقتى اۋىز سۋمەن جانە سۋ تارتۋمەن قامتۋ بويىنشا مىندەتتەردى جۇزەگە اسىرۋدا. تۇتاس العاندا, باعدارلامانى جۇزەگە اسىرۋعا 2017 جىلعا رب-تەن 86,3 ملرد.تەڭگە قاراستىرىلعان, 2017 جىلعى 1 ماۋسىمداعى جاعداي بويىنشا, جەرگىلىكتى اتقارۋشى ورگاندار ارقىلى ونىڭ 20,2 ملرد. تەڭگەسى يگەرىلگەن. قاراجات بەكىتىلگەن قارجىلاندىرۋ جوسپارىنا سايكەس بولىنۋدە.
مينيستر مينيسترلىكتىڭ ستراتەگيالىق جۇمىسىنىڭ ءبىر باعىتى كوپجاقتى ساۋدا جۇيەسى اياسىنداعى ەكونوميكالىق ينتەگراتسيانى تەرەڭدەتۋ مەن ىنتىماقتاستىق بولىپ تابىلاتىندىعىن اتاپ ءوتتى.
«ەۋرازەو جاڭا كەدەندىك كودەكسى قابىلداندى, ول اكىمشىلىك بوگەتتەردى ازايتۋعا, الدىڭعى قاتارلى اقپاراتتىق تەحنولوگيالاردى ەنگىزۋگە, كەدەندىك تازالاۋ جۇرگىزۋدى جەدەلدەتۋگە باعىتتالعان. ءبىز ونىڭ 2018 جىلعى 1 قاڭتاردان باستاپ كۇشىنە ەنەتىندىگىن جوسپارلاۋدامىز. ءبىزدىڭ كاسىپكەرلەرىمىز وعان جاقسى باعا بەرەدى دەگەن ويدامىن», - دەدى سۇلەيمەنوۆ.
ونىڭ ايتۋىنشا, تىعىز ەكونوميكالىق ينتەگراتسيا قازاقستاننىڭ وداقتىڭ باسقا ەلدەرىمەن سىرتقى ساۋدا اينالىمىنىڭ كولەمىن ۇلعايتۋعا ىقپال ەتتى. ماسەلەن, ا.ج. قاڭتار-ساۋىردە قازاقستان مەن ەۋرازەو مۇشە-مەملەكەتتەرى اراسىنداعى تاۋار اينالىمى 5,1 ملرد.اقش دوللارىن قۇرادى جانە وتكەن جىلعى ۇقساس مەرزىممەن سالىستىرعاندا 35,6%-عا ۇلعايدى. رەسەيگە ەكسپورت 2,3%-عا (1,4 ملرد. دولل.), بەلارۋسكە – 6,3 ەسە (34 ملن.دولل), ارمەنياعا – 7,4 ەسە (0,2 ملن. دولل), قىرعىزستانعا – 31,5%-عا (130,1 ملن.دولل) ءوستى.
