ارقا مەن الاتاۋ, اتىراۋ مەن التاي اراسىن الىپ جاتقان بايتاق ەلىمىزدىڭ بۇگىنگى تىنىس-تىرشىلىگى – مەملەكەت دامۋىنىڭ جارقىن دالەلى, ايقىن كورىنىسى. الەمنىڭ وزىق ەلدەرىنىڭ قاتارىنا قوسىلۋعا قارىشتى قادام جاساپ, الىمدى ادىممەن اتتاعان قازاقستاننىڭ ءار وڭىرىندەگى جوتالى جەتىستىكتەر مەن قالىپتى دامۋ ىرعاعى – تاۋەلسىزدىكتىڭ شيرەك عاسىرىندا قول جەتكەن تولاعاي تابىستىڭ ناتيجەسى.
دەمەك, ەل وڭىرلەرىندەگى الەۋمەتتىك-ەكونوميكالىق وزگەرىستەردىڭ ناقتى كورىنىسى, مادەنيەت پەن ءبىلىمنىڭ جەمىستى ناتيجەلەرى تۋرالى, جالپى ايماق تۇرعىندارىنىڭ ءال-اۋقاتى جايلى تەرەڭنەن تولعاپ جازۋ بۇقارالىق اقپارات قۇرالدارىنىڭ مىندەتى بولۋى ءتيىس. وسى ماقساتتا جالپىۇلتتىق «ەگەمەن قازاقستان», «كازاحستانسكايا پراۆدا» گازەتتەرى مەن «قازاقپارات» اگەنتتىگى بىرلەسىپ «وسكەن ءوڭىر» جوباسىن باستادى.
العاشقى ءسوز ەل دامۋىنا وزىندىك ۇلەس قوسىپ وتىرعان اقتوبە وبلىسى جايىندا بولماق.
