"استاناداعى ەكسپو-2017 كورمەسىنىڭ اشىلۋ سالتاناتىنا الەمنىڭ 100 ەلىنەن فوتوتىلشىلەر قاتىسىپ, ايتۋلى كورمەنى الەم جۇرتشىلىعىنا كورسەتتى. كورمە جالپى اۋماعى 173 گا جەردە ورنالاسقان. قالاشىقتى چيكاگونىڭ Arian Smith جانە Gordon Gill Architecture كومپانيالارى سالعان. كورمەدەگى قازاقستاننىڭ ۇلتتىق پاۆيلونىندا عارىش, كۇن, بيوماسسا, جەل, سۋ جانە كينەتيكالىق قۋات كوزدەرىنىڭ نەگىزگى تۇرلەرى كورسەتىلەتىن. عيماراتتىڭ 2-8 قاباتتارىندا ورنالاسقان ەكسپوزيتسيالىق كەڭىستىكتەر ساندىق, مۋلتيمەديالىق جانە ينتەراكتيۆتى تەحنولوگيالارمەن تانىستىرادى.
ساۋلەتشى فرەيد ارگكۋيتەكتوس سالعان يسپانيا پاۆيلونى اعاشتارمەن قورشالعان ءۇي تۇرىندە بولسا, ەنەرگيانىڭ ەۆوليۋتسياسىنىڭ 14 ملرد جىلدىق تاريحىن كورسەتەتىن بريتانيا پاۆيلونى ء«بىز ءبارىمىز قۋاتپىز» دەپ اتالادى. ونىڭ اۆتورى ساۋلەتشى اسيف حان. ال اۆستراليا پاۆيلونى ءوز كەزەگىندە ستاتسيونارلى ۆەلوسيپەدتەر ارقىلى ادام دەنەسىنىڭ ءوز بەتىمەن ەنەرگيا شىعارۋىنا قاۋقارلى ەكەنىن كورسەتەدى. پاۆيلوننىڭ ديزاينەرى دجون موسەر..." دەپ جازادى Dezeen باسىلىمى.
اۋدارعان باۋىرجان مۇقانوۆ,
"ەگەمەن قازاقستان"
