جەتىسۋلىق تالانتتاردى قولداۋ ماقساتىندا قولعا الىنعان يگى باستاما جەرگىلىكتى جاس اقىندار مەن جازۋشىلاردىڭ ونەرىن ناسيحاتتاۋعا باعىتتالعان. ولەڭ ولكەسىندە وزىندىك ورنەگىن قالىپتاستىرعان اقىن ەرلان ءجۇنىستىڭ «ارمانشىل تاڭنىڭ بۇلتتارى» اتتى ولەڭدەر جيناعى, تاعى دا ءبىر جەىسۋلىق تالانت يەسى جانگەلدى نەمەرەبايدىڭ «قار گ ۇلى» كىتابى, سونداي-اق, تانىمال جۋرناليست ەسبولات ايدابوسىننىڭ پروزا سالاسىنداعى العاشقى جيناعى «س ۇلىكقارا» دەگەن اتپەن جارىق كورىپ وقىرماندارىن قۋانتتى. وسى سەريا بويىنشا شىققان ەكى بىردەي الماناحتى دا ايتپاي كەتۋگە بولماس. العاشقى كىتاپ «جەتىسۋدان قۇيىلعان جىلعالار» دەپ اتالادى. بۇل جيناققا 45 جاسقا دەيىنگى 34 جازۋشىنىڭ ەڭبەگى ەنگەن. كەلەسى كىتاپ «تاۋ مەن وزەن جىرلارى» دەگەن اتپەن جارىق كوردى. بۇل كىتاپتا پوەزيادا ءوزىن تانىتىپ ۇلگەرگەن ادۋىندى اقىندارمەن قاتار جىر الەمىنە ەندى اياق باسقان ون سەگىز بەن قىرىق بەس جاس ارالىعىنداعى بارلىعى 87 اقىننىڭ ولەڭدەرى توپتاستىرىلعان. قالامگەرلەردىڭ قادامىنا قۇت, قالامىنا قۋات تىلەپ كەلگەن وبلىستىق «جەتىسۋ» گازەتىنىڭ ءتىلشىسى قۋات قايرانباەۆ, بەلگىلى جۋرناليست گۇلزەينەپ سادىرقىزى, «ايقىن» رەسپۋبليكالىق باسىلىمىنىڭ ءتىلشىسى اقىن ەسەي جەڭىس ۇلى, جازۋشى مادينا وماروۆالار سالتاناتتى تۇردە سۋ جاڭا كىتاپتاردىڭ تۇساۋىن كەستى. تىڭ تۋىندىلاردىڭ تۇساۋكەسەر ءراسىمى پوەزيا كەشىنە ۇلاسىپ, جيناققا ولەڭى ەنگەن قىز-جىگىتتەر الما-كەزەك جىر وقىدى.
– بۇل زاماندا كىتاپپەن ەشكىمدى تاڭعالدىرا المايتىن زامان. دەگەنمەن, سوڭعى كەزدە پايدا بولعان تەندەنتسيا 2000 جىلداردىڭ باسىنداعى ءشوپتى دە شوڭگەنى دە مەمۋار قىلىپ جازاتىن ءۇردىس توقتالىپ, بۇگىنگى كىتاپتىڭ اتى سياقتى س ۇلىكقارالار ءسۇزىلىپ شىعاتىن شاق تۋدى. جەرگىلىكتى بيلىك وكىلدەرىنىڭ تالانت يەلەرىنە قولداۋ كورسەتۋى قۋانتارلىق جاي. سەبەبى, قازىرگى تاڭدا مەملەكەتتىك تاپسىرىسقا ىلىگۋ وڭاي ەمەس. سەناتتاعى جاڭا زاڭ ماقۇلدانسا قالامگەر جىگىتتەردىڭ قارىمى اسىپ, قاناتىن جازىپ شابادى دەپ ۇمىتتەنەمىز, – دەيدى كىتاپتىڭ تۇساۋكەسەر ساتىندە ءسوز سويلەگەن ەسەي جەڭىس ۇلى.
جامبىل اتىنداعى كىتاپحانانىڭ قىزمەتكەرى عازيزا قۇدايبەرگەن اتالمىش كىتاپتاردىڭ وقىرماندار تاراپىنان جوعارى باعالانعانىنا توقتالا كەلىپ, بۇل باستاما تەك قالا مەن وبلىس شەڭبەرىندە عانا ەمەس «اتىراۋ-التاي» اراسى جوباسىمەن رەسپۋبليكامىزدىڭ ءار ايماعىندا جارىق كورگەن اقىن-جازۋشىلارىمىزدىڭ كىتاپتارىنىڭ تۇساۋكەسەرىن الماتىدا وتكىزۋدىڭ داستۇرگە اينالىپ كەلە جاتقانىن ايتتى. سەبەبى, شىعارماشىلىق يەلەرىنىڭ ونەرىنە باعا بەرىپ, ولاردىڭ تانىلۋىنا ىقپال ەتەتىن نەگىزگى ۇلكەن ادەبي ورتا الماتىدا قالىپتاسقان.
وبلىس اكىمىنىڭ قولداۋىمەن جارىق كورىپ وتىرعان پروزا مەن پوەزيا انتولوگياسىندا قوس بىردەي ارىپتەسىمىز «ەگەمەن قازاقستان» گازەتىنىڭ الماتى وبلىسىنداعى مەنشىكتى ءتىلشىسى الماس ءنۇسىپ پەن گازەتىمىزدىڭ الماتىداعى تىلشىلەر قوسىنىنىڭ ءتىلشىسى باعاشار تۇرسىنباي ۇلىنىڭ دا ەڭبەكتەرى ەنگەن. ادەبيەت الەمىنە ات بايلاعان ازاماتتاردى قۇتتىقتاپ, جەتىسۋدان اققان جىلعالار ايدىن-كولگە اينالا بەرسىن دەگەن تىلەك بىلدىرەمىز.
ارمان وكتيابر,
«ەگەمەن قازاقستان»
سۋرەتتى تۇسىرگەن: نۇرمانبەت قيزات ۇلى.
الماتى
