ق.توقاەۆ جاسىل ەكونوميكا مەن بالاما ەنەرگەتيكا سالاسىنداعى الەمدەگى كوشباسشىلاردىڭ ءبىرى بولىپ تابىلاتىن شۆەيتسارياعا ەكسپو-2017 حالىقارالىق كورمەسىنە قاتىسقانى ءۇشىن العىس ايتتى.
سەنات توراعاسى قازاقستان شۆەيتساريانى ەۋروپاداعى ماڭىزدى ءارى سەنىمدى ارىپتەس رەتىندە قاراستىراتىنىن اتاپ ءوتتى. ەكىجاقتى ىنتىماقتاستىق اياسىندا بەلسەندى ساياسي ديالوگ, اۋقىمدى ساۋدا-ەكونوميكالىق, ينۆەستيتسيالىق جانە گۋمانيتارلىق بايلانىستار ورىستەپ كەلەدى.
كەزدەسۋ بارىسىندا ەكىجاقتى بايلانىستاردا دا, ەقىۇ پارلامەنتتىك اسسامبلەياسىمەن بىرگە حالىقارالىق ۇيىمدار اياسىندا دا ماڭىزدى ءرول اتقاراتىن پارلامەنتارالىق ۇنقاتىسۋدى نىعايتۋدىڭ كەلەشەگى قارالدى.
ق.توقاەۆ پەن شۆەيتساريا سىرتقى ساياسات ۆەدومستۆوسىنىڭ باسشىسى ەقىۇ جاۋاپتى ايماقتا «سوزىلمالى شيەلەنىستەرگە» قاتىستى بىرقاتار ماسەلەلەردى تالقىلادى.
