شىعارماشىلىق ۇجىم ناچو دۋاتو, رايموندو رەبەك, وحاد ناحارين سىندى زاماناۋي حورەوگرافتاردىڭ اۆتورلىق بالەتتەرىن ورىندايدى. This is modern كەش باعدارلاماسىندا «ەلف», «بەلىي سون», «مينۋس 7» سىندى قويىلىمدار ۇسىنىلادى.
ء«بىز قازاقستاندا العاش رەت ونەر كورسەتەمىز. ترۋپپا قۇرامىندا 60-قا جۋىق ءارتىس بار, سولاردىڭ ەڭ مىقتى 35 ءبيشىسى گاسترولدىك ساپارمەن قازاقستانعا كەلە جاتىر. «استانا وپەرا» كورەرمەندەرى ءۇشىن جىل سايىن Korean ballet festival (سەۋل) فەستيۆالىندە قوياتىن رەپەرتۋارىمىزدى ۇسىنامىز. بۇل شاعىن سپەكتاكلدەرگە دۇنيە جۇزىندە سۇرانىس جوعارى, سول سەبەپتەن سىزدەرگە دە وسى ونەرىمىزدى پاش ەتپەكپىز. الەمدىك ارەنالاردا ىستىق ىقىلاسقا بولەنىپ جۇرگەن بالەت قازاقستاندىقتاردىڭ دا كوڭىلىنەن شىعادى دەگەن ۇمىتتەمىز», - دەيدى Universal Ballet ديرەكتورىنىڭ ورىنباسارى تيەن ريۋ.
ترۋپپا وسىعان دەيىن الەمدى ءۇش رەت شارلاپ شىعىپ, جاپونيا, كولۋمبيا, تۇركيا, قىتاي, وار, رەسەي, فرانتسيا, اقش, كانادا, ومان جانە سينگاپۋر ەلدەرىندە ونەر كورسەتكەن.
