تاۋەلسىز قازاقستان تاريحىندا تۇڭعىش رەت حالىقارالىق دارەجەدە ۇيىمداستىرىلعان جيىننىڭ جابىلۋ سالتاناتىندا ءسوز العان ءمينيستردىڭ ورىنباسارى شارانىڭ ماڭىزدىلىعىنا توقتالدى. قارۋلى كۇشتەرىمىزدىڭ جوعارعى باس قولباسشىسى نۇرسۇلتان نازارباەۆ ءوزىنىڭ جولداۋىندا, «جاستار – ءبىزدىڭ ءۇمىتىمىز جانە بولاشاعىمىز» دەپ ۇلاندارىمىزعا زور سەنىم ارتادى. سول سەنىمدى اقتاۋعا بۇگىنگى جەڭىس تۇعىرىنان تابىلعان ءار سارباز لايىق. ولار ءبىر اپتانىڭ ىشىندە شىنايى اسكەري بولدى. بۇگىنگى ساپتا بولاشاق ساعاداتتارىمىز, بولاشاق تالعاتتارىمىز تۇرعاندىعىنا مەن كامىل سەنەمىن. جيىنعا وزدەرىڭىز كورگەندەي, رەسەي فەدەراتسياسى ورىنبور پرەزيدەنتتىك كادەت ۋچيليششەسىنىڭ تاربيەلەنۋشىلەرى قاتىستى. قورعانىس مينيسترلىگىنىڭ باسشىلىعى رەسەي فەدەراتسياسىنىڭ قورعانىس مينيسترلىگىنە جاستاردى تاربيەلەۋدەگى بىرلەسىپ اتقارىپ جاتقان جۇمىستارى ءۇشىن العىس بىلدىرەدى, – دەدى مۇرات مايكەەۆ.
سونىمەن قاتار, جيىنعا قاتىسۋشىلاردى ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەنوۆ قۇتتىقتادى.
– بۇل جيىننىڭ تاريحي مازمۇنى ەلباسى نۇرسۇلتان نازارباەۆتىڭ وسكەلەڭ ۇرپاقتى اسكەري-پاتريوتتىق رۋحتا تاربيەلەۋ جونىندەگى تالاپتارى مەن تاپسىرمالارىنا تۇبەگەيلى جاۋاپ بەرە الادى. بولاشاق ساربازداردىڭ, قاستەرلى تاۋەلسىزدىگىمىزدىڭ شىڭدالعان, شىنىققان قالقانى بار ەكەندىگىنە كوز جەتكىزدىك. تاۋەلسىزدىك وڭاي كەلگەن جوق. ونى الۋ بار دا ساقتاپ قالۋدىڭ ءجونى ءتىپتى بولەك. وسى جاۋاپكەرشىلىكتى تولىق تۇسىنگەندىكتەرىمىزدىڭ دالەلى – بۇگىنگى جيىن, – دەدى.
شىنىمەن دە «سپاسسك» پوليگونى ءۇش كۇن بويى اسقاق رۋحتىڭ الاڭىنا, اينىماس دوستىقتىڭ تۇراقتى تۇعىرىنا كەپىل بولدى. سايىپقىراندار سايىسىپ, جاس ساربازدار جەڭىستىڭ ءدامىن تاتتى. جەڭىلگەندەرى جىگەرلەرىن نامىسقا قايرادى.
سونىمەن, بايراقتى باسەكەنىڭ «ەرۋديت» سايىسى بويىنشا استانا قالاسىنداعى كەڭەس وداعىنىڭ باتىرى س.نۇرماعانبەتوۆ اتىنداعى رەسپۋبليكالىق «جاس ۇلان» مەكتەبىنىڭ اعا سەرجانتى سىرىم ءادىلباي ۇلى ەڭ زياتكەر قاتىسۋشى اتاعىن جەڭىپ الدى.
اتالمىش جيىنعا قاتىسقان رەسپۋبليكالىق «جاس ۇلان» مەكتەپتەرىنىڭ اراسىنداعى جالپى كوماندالىق ەسەبى بويىنشا 1-ورىندى الماتى قالاسىنداعى ب.مومىش ۇلى اتىنداعى «جاس ۇلان» ءرامي, 2-ورىندى قاراعاندى قالاسىنىڭ ت.بيگەلدينوۆ اتىنداعى رەسپۋبليكالىق «جاس ۇلان» مەكتەبى, ال 3-ورىندى استانا قالاسىنداعى س.نۇرماعانبەتوۆ اتىنداعى رەسپۋبليكالىق «جاس ۇلان» ءرامي يەلەندى.
اسكەري-پاتريوتتىق كلۋبتار بويىنشا جالپى كوماندالىق ەسەپتە 3-ورىندى استانا قالاسىنان كەلگەن «بۇركىت» كومانداسى, 2-ورىندى سەمەي قالاسىنداعى «جاس قىران» اسكەري-پاتريوتتىق كلۋبى, ال 1-ورىندى «جەتىسۋ تارلاندارى» يەلەندى.
– بىلتىر مەن اك-74 قارۋىن بولشەكتەۋ جانە جيناۋ بويىنشا جارىستا ءبىر سەكۋندقا عانا ۇتىلعان بولاتىنمىن. ال بيىل رەكورد جاڭارتىپ, سول سايىستان ءبىرىنشى ورىندى يەلەندىم. جيىن – جاڭا تاجىريبەلەر مەن جاڭا دوستار تابۋعا تاپتىرماس ورتا, – دەيدى «بۇركىت» كلۋبىنىڭ تاربيەلەنۋشىسى ينديرا ايتوۆا.
ميراس اسان,
«ەگەمەن قازاقستان»
قاراعاندى وبلىسى
