كووپەراتيۆتەر قۇرامىندا 1952 باس ءىرى قارا, 124 باس جىلقى, 2056 باس ۇساق مال جانە 2310,3 گا اۋىل شارۋاشىلىق جەرلەرى بار. ولاردا بارلىعى 270 ادام جۇمىسپەن قامتىلعان.
- كووپەراتيۆ قۇرامىندا مۇشەلەرىنىڭ سانى 20 جانە ودان جوعارى ادامدارى بار, بارلىعى 5 كووپەراتيۆ اشىلعان. سونىمەن قاتار, قۇرامىندا 20 ادامى بار 2 كووپەراتيۆتىڭ قۇجاتتارى ادىلەت باسقارماسىندا تىركەلۋ ۇستىندە. ءتيىستى جۇمىستار جالعاستىرىلۋدا, -دەدى س. زاينۋلدين.
بىلتىر اۋدان كولەمىندە 17 816,5 توننا (106,7 %) ەت , 73 520 توننا (104,6%) ءسۇت, 16 846 مىڭ دانا (101,3 %) جۇمىرتقا, 626 توننا (100,9%) قىرقىلعان قوي ءجۇنى وندىرىلگەن. بۇل ورايدا, اگروونەركاسىپ كەشەنىن جانە اۋىلدىق اۋماقتاردى دامىتۋدىڭ مەملەكەتتىك ساياساتىن ىسكە اسىرۋ شەڭبەرىندە اۋىل شارۋاشىلىعى كووپەراتيۆتەرىن قۇرۋعا جاسالعان كومەكتىڭ ۇلەسى قوماقتى ەكەنىن ەسكەرگەن ءجون.
