ورالدا الداعى ءۇش جىلدا اپاتتى دەپ تانىلعان 41 تۇرعىن ءۇي بۇزىلادى, دەپ حابارلايدى 24.kz. توزىعى جەتكەن 5 ءۇيدىڭ ورنىنا قازىر قۇرىلىس جۇمىسى باستالىپ كەتتى. جىل سوڭىنا دەيىن تاعى 5 ءۇي بۇزىلادى. ولاردىڭ ورنىنا جەكەمەنشىك-مەملەكەتتىك سەرىكتەستىگى باعدارلاماسى اياسىندا كوپقاباتتى ۇيلەر بوي كوتەرەدى. ەسكى ءۇيدىڭ تۇرعىندارىنا جاڭا نىساننان پاتەر بەرۋ كوزدەلگەن.
بيىل اپاتتى جاعدايدا تۇرعان ءبىلىم وشاقتارىنىڭ ماسەلەسى دە تولىق شەشىلۋى ءتيىس. قازىر قالاداعى 1961 جىلى سالىنعان 300 ورىندى كونە مەكتەپ ءسۇرىلىپ جاتىر. بۇل نىساننىڭ قۇنى 1 ملرد تەڭگەگە جۋىقتايدى. قارجى رەسپۋبليكالىق بيۋدجەتتەن بولىنگەن. مەردىگەر كاسىپورىن قۇرىلىستى وسى جىلدىڭ جەلتوقسان ايىندا اياقتاۋدى جوسپارلاپ وتىر.
