حالىقارالىق دزيۋدو فەدەراتسياسى جاڭا ەرەجەلەر شىعاردى, دەپ حابارلايدى egemen.kz فەدەراتسيا سايتىنا سىلتەمە جاساپ.
بۇل الداعى وليمپيادا تسيكلىندە جۇزەگە اسىرىلادى. ەرەجەنى وزگەرتۋدەگى باستى ماقسات — دزيۋدو شارتتارىن xالىققا وڭاي ءتۇسىندىرۋ. حالىقارالىق دەڭگەيدەگى تەستىلەۋدەن وتكىزۋ ۋاقىتى 2017 جىلدىڭ قاڭتارىنان باستالىپ, تامىز-قىركۇيەك ايلارىندا بۋداپەشتە وتەتىن الەم چەمپيوناتىنان كەيىن اياقتالماق.
جاڭا ەرەجەلەر مىناداي بولماق:
– ەرلەر مەن ايەلدەر باسەكەسىندەگى بەلدەسۋ ۋاقىتى – ءتورت مينۋت; – ەندى دزيۋدودا تەك ۆادزاري جانە يپپون بولادى. بۇرىنعىداي يۋكو دەگەن ۇپاي بولمايدى. يۋكو ءادىسى ۆادزاريمەن تەڭەستىرىلدى. ەكى ۆادزاري بۇرىن يپپون بولاتىن, ەندى ەكى ۆادزاري يپپونعا تەڭەستىرىلمەيدى. بۇرىن ءتورت شيدو (ەسكەرتۋ) العان بالۋانعا جەڭىلىس جازىلاتىن. ەندى جاڭا ەرەجە بويىنشا ءۇش شيدو العان بالۋان جەڭىلگەن بولىپ ەسەپتەلەدى. ەكى رەت اياقتان ۇستاسا Hansoku Make, ياعني بىردەن جەڭىلىس. بالۋان 45 سەكۋند ىشىندە شابۋىل جاساماسا شيدو. كۇرەس ۋاقىتى — 4 مينۋت; – «التىن ۇپاي». ەگەر ۇپاي جوق بولسا نەمەسە تەڭ بولعان جاعدايدا, بەلدەسۋ «التىن ۇپايعا» (Golden Score) جالعاسادى. نەگىزگى ۋاقىتتا يەلەنگەن ءاربىر ۇپاي مەن ايىپتار تابلودا قالماق. «التىن ۇپاي» شەشىمى جينالعان ۇپاي مەن شيدو كورسەتكىشتەرى ارقىلى انىقتالاتىن بولادى; قازىرگى ۋاقىتتا «شيدو» سانى ۇشەۋ. سوندىقتان, ءۇشىنشىسى «حانسوكۋ» جاساۋعا مۇمكىندىك بەرەدى; – «كۋميكاتا» ايىپتى تالاپ ەتپەيدى; – تولىقتاي قورعانىسقا كوشكەن جاعدايدا «شيدو» كورسەتىلمەك; اياقتان نەمەسە شالباردان ۇستاعان دزيۋدوشى, الدىمەن «شيدومەن» جازالانسا», ارتىنشا «حانسوكۋ» جاساۋعا مۇمكىندىك الماق; سونداي-اق, كوميتەت قاۋىپسىزدىك جاعىن قاتاڭ تۇردە قولعا العانداي. ياعني, جاراقاتتىڭ نەعۇرلىم ازايعانىن باستى ماقسات تۇتۋدا. سول سەبەپتى دزيۋدوشى كۇرەس بارىسىندا باس, مويىن جانە جەلكەگە قاۋىپ تۋدىرعان جاعدايدا جازاعا تارتىلاتىن بولادى. – جاسوسپىرىمدەر اراسىنداعى الەم چەمپيوناتىنىڭ جۇلدەگەرلەرى ەرەسەكتەر رەيتينگىندە ۇپاي جينايتىن بولادى; بۇل وزگەرىستەردىڭ ناقتى قۇجاتتارى وسى جىلدىڭ سوڭىنا دەيىن جاسالىپ بىتپەك. ودان بولەك, بۇل شەشىمدەر حالىقارالىق وليمپيادا كوميتەتىنىڭ قاراۋىنان وتەدى.
