جاڭا ورتالىق حالىقارالىق قاتىناستاردى زەرتتەۋدى دامىتۋعا, ورتالىق ازيا بويىنشا اناليتيكانى كۇشەيتۋگە جانە وڭىرلىك عىلىمي ديالوگتى كەڭەيتۋگە باعىتتالعان.
تۇساۋكەسەرگە اكادەميا باسقارماسىنىڭ پرەزيدەنتى اقىلبەك كۇرىشباەۆ, سىرتقى ىستەر مينيسترلىگىنىڭ الماتىداعى وكىلدىگىنىڭ باسشىسى جانىبەك ءابدىراشوۆ, بۇۇ-نىڭ الماتىداعى جاھاندىق كوممۋنيكاتسيالار دەپارتامەنتى وكىلدىگىنىڭ باسشىسى ۆلاستيميل سامەك, سونداي-اق قىتاي, قىرعىزستان, وزبەكستان, تاجىكستان جانە تۇرىكمەنستان ديپلوماتيالىق ميسسيالارىنىڭ, حالىقارالىق ۇيىمدار مەن عىلىمي قاۋىمداستىقتىڭ وكىلدەرى قاتىستى.
ءىس-شارا اياسىندا «ورتالىق ازيا مۇراتى» عىلىمي-تالدامالىق سەرياسىنىڭ تانىستىرىلدى. ونىڭ قۇرامىنا دۋمان جەكەنوۆتىڭ «ورتالىق ازيا مۇراتى» مونوگرافياسى, قىرعىزستان, وزبەكستان, تۇرىكمەنستان جانە تاجىكستان بويىنشا جىل سايىنعى تالدامالىق جيناقتار, سونداي-اق «قىتاي – ورتالىق ازيا: تالداۋ جانە شولۋ» باسىلىمى ەندى.
جاڭا ەڭبەكتەر ورتالىق ازيا وڭىرىندەگى تاريحي, گەوساياسي جانە قازىرگى ۇدەرىستەرگە كەشەندى عىلىمي تالداۋ ۇسىنىپ, ستراتەگيالىق شەشىم ازىرلەۋگە ارنالعان تۇراقتى ساراپتامالىق پلاتفورمانى قۇرۋعا باعىتتالعان.
سالتاناتتى جيىندا ءسوز سويلەگەن اقىلبەك كۇرىشباەۆ ورتالىقتىڭ اشىلۋى مەن كىتاپتار سەرياسىنىڭ جارىق كورۋى عىلىمي ديپلوماتيانى دامىتۋعا جانە حالىقارالىق ىنتىماقتاستىقتى كەڭەيتۋگە قوسىلعان ماڭىزدى ۇلەس ەكەنىن اتاپ ءوتتى. ونىڭ ايتۋىنشا, اكادەميانىڭ ميسسياسى — عىلىمدى ەلدىڭ ستراتەگيالىق دامۋىنا قىزمەت ەتەتىن زياتكەرلىك رەسۋرسقا اينالدىرۋ جانە جاس عالىمداردى قولداۋ.
تسيفرلىق ترانسفورماتسيا كىتاپحانالاردى قالاي وزگەرتىپ جاتىر؟
ۇيىمداستىرۋشىلار قاتىسۋشىلارعا العىس ءبىلدىرىپ, وڭىردە جانە ودان تىس اۋماقتا عىلىمي بايلانىستى ودان ءارى نىعايتۋ مەن بىرلەسكەن جوبالاردى جۇزەگە اسىرۋدىڭ ماڭىزىن اتاپ ءوتتى.
