سەسسيا عىلىم, تەحنولوگيا جانە يننوۆاتسيا سالاسىنداعى ۇلتتىق فورسايت-زەرتتەۋلەر مەن پرەديكتيۆتى تالداۋ جۇيەسىن دامىتۋعا, سونداي-اق ەلىمىز وڭىرلەرىندە بىرىڭعاي بولجاۋ جۇيەسىن قالىپتاستىرۋعا باعىتتالعان.
القالى جيىندا ۇعا پرەزيدەنتى اقىلبەك كۇرىشباەۆ عىلىمي-تەحنولوگيالىق دامۋدى باسقارۋدىڭ جۇيەلى تاسىلگە, باسىمدىقتاردى ستراتەگيالىق تاڭداۋعا جانە رەسۋرستاردى شوعىرلاندىرۋعا نەگىزدەلگەن جاڭا مودەلدى تانىستىردى. وسى مودەل ەلىمىزدە الەۋمەتتىك-ەكونوميكالىق دامۋ ستراتەگياسىنا ساي كەلەتىن عىلىمدى دامىتۋ جۇيەسى تالدانعان.
«عىلىم جەكەلەگەن باستامالاردىڭ جيىنتىعى رەتىندە ەمەس, ولشەنەتىن ناتيجەگە, باسەكەگە قابىلەتتىلىكتى ارتتىرۋعا جانە ۇلتتىق مۇددەلەردى ىسكە اسىرۋعا باعدارلانعان ءبىرتۇتاس جۇيە رەتىندە قاراستىرىلادى. قارجىنى كوپتەگەن باعىتتار بويىنشا تەڭدەي بولۋگە نەگىزدەلگەن قولدانىستاعى تاجىريبە سەرپىندى ناتيجەلەرگە قول جەتكىزۋگە مۇمكىندىك بەرمەيدى», دەپ اتاپ ءوتتى ۇعا پرەزيدەنتى.
مىسالى 2025-2027 جىلدارعا ارنالعان بنق (پتسف) كونكۋرسىنىڭ قورىتىندىسىندا باعىتتاردىڭ 42 پايىزى بويىنشا ءبىر عانا ءوتىنىم تۇسكەندىگىن اتاپ وتكەن ۇعا پرەزيدەنتىنىڭ پىكىرىنشە, بۇل ناقتى باسەكەنىڭ جانە ءتيىمدى ستراتەگيالىق ىرىكتەۋدىڭ جەتكىلىكسىز ەكەنىن ايعاقتايدى. ال ۇسىنىلىپ وتىرعان مودەل ءۇش نەگىزگى قاعيداتقا نەگىزدەلەدى: مەملەكەتتىڭ جانە ەكونوميكانىڭ ناقتى ستراتەگيالىق مىندەتتەرىنە باعدارلانۋ; قولدا بار عىلىمي الەۋەتكە, ينفراقۇرىلىمعا جانە كادرلىق بازاعا سۇيەنۋ; سونداي-اق بولاشاقتاعى «مۇمكىندىكتەر تەرەزەلەرىمەن» جۇمىس ىستەۋ جانە جاڭا قۇزىرەتتەردى قالىپتاستىرۋ.
«جۇيەلىلىكتى قامتاماسىز ەتۋ ماقساتىندا باسىمدىقتاردىڭ ءتورت دەڭگەيلى قۇرىلىمى ەنگىزىلەدى. ستراتەگيالىق باسىمدىقتارعا ۇلتتىق قاۋىپسىزدىك پەن ەكونوميكانىڭ باسەكەگە قابىلەتتى سالالارىن دامىتۋ ءۇشىن اسا ماڭىزدى جوبالار جاتادى (جالپى قارجىلاندىرۋ كولەمىنىڭ كەمىندە 40 پايىزى). پەرسپەكتيۆالى باعىتتار جاڭا جاھاندىق عىلىمي-تەحنولوگيالىق باعىتتاردى يگەرۋگە باعدارلانعان (20 پايىزعا دەيىن). بازالىق زەرتتەۋلەر قولدانبالى شەشىمدەردىڭ نەگىزى رەتىندە ىرگەلى جانە ينجەنەرلىك عىلىمداردى قامتيدى (20 پايىزعا دەيىن). جەكە باعىت عىلىمي الەۋەتتى كەڭەيتۋگە - جاڭا جانە دامىپ كەلە جاتقان عىلىمي سالالاردى قولداۋعا ارنالعان (20 پايىزعا دەيىن). باسىمدىقتاردى قالىپتاستىرۋ وڭىرلىك مىندەتتەردى, رەسۋرستىق بازانى جانە بيزنەستىڭ قاجەتتىلىكتەرىن ەسكەرە وتىرىپ جۇزەگە اسىرىلاتىنى ەرەكشە اتاپ ءوتىلدى. بۇل وڭىرلىك عىلىمي كۇن ءتارتىبىن بىرىڭعاي ۇلتتىق جۇيەگە كىرىكتىرۋگە مۇمكىندىك بەرەدى», دەدى ءوز سوزىندە ۇعا باسشىسى.
سەسسيا بارىسىندا AI SilkNet قازاقستان–كورەيا جاساندى ينتەللەكت ورتالىعىنىڭ سالتاناتتى اشىلۋ ءراسىمى ءوتتى. AI SilkNet – ۇلتتىق عىلىم اكادەمياسى مەن كورەي عىلىمي-تەحنيكالىق اقپارات ينستيتۋتىنىڭ (KISTI) بىرلەسكەن باستاماسى. اشىلۋ سالتاناتىنا قاتىسقان KISTI پرەزيدەنتى, دوكتور سيك لي عىلىمي-تەحنيكالىق اقپارات جانە بولجاۋ سالاسىنداعى وڭتۇستىك كورەيانىڭ جەتەكشى ينستيتۋتى KISTI تاجىريبەسىنە توقتالىپ, جاساندى ينتەللەكت پەن جوعارى ءونىمدى ەسەپتەۋلەردى عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا ەنگىزۋگە, ۇلتتىق عىلىمي-تەحنيكالىق ينفراقۇرىلىمدى دامىتۋعا جانە بولاشاقتى بولجاۋعا ماماندانعاندىعىن اتاپ ءوتتى.
AI SilkNet – ەلىمىزدەگى پرەديكتيۆتى اناليتيكا مەن عىلىمي-تەحنولوگيالىق فورسايتتىڭ العاشقى ۇلتتىق پلاتفورماسى. AI SilkNet اقپاراتتىق-تالدامالىق جۇيەسىنىڭ جۇمىسىمەن ۇعا ۆيتسە-پرەزيدەنتى ەلەنا شەۆچەنكو تانىستىردى. ايتۋىنشا, ورتالىق جاھاندىق عىلىمي-تەحنيكالىق دەرەكتەرگە, فورسايت قۇرالدارى مەن پرەديكتيۆتى تالداۋعا سۇيەنە وتىرىپ, عىلىم سالاسىنداعى مەملەكەتتىك ساياساتتى اناليتيكالىق سۇيەمەلدەۋدى قامتاماسىز ەتەدى, سونداي-اق بولاشاقتا ورتالىق ازيا ەلدەرى ءۇشىن دە جۇمىس ىستەيتىن بولادى.
ەاەو كەڭەسى عىلىمي اتاقتاردى ءوزارا تانۋ تۋرالى كەلىسىمدى ماقۇلدادى
ورتالىق عىلىمي, تەحنولوگيالىق جانە يندۋستريالىق دەرەكتەردى ينتەگراتسيالاۋعا, بولجاۋ قۇرالدارىن دامىتۋعا جانە عىلىمي-زەرتتەۋ مەن تاجىريبەلىك-كونسترۋكتورلىق باسىمدىقتاردى قالىپتاستىرۋعا باعىتتالادى. AI SilkNet عىلىم, مەملەكەت جانە ەكونوميكانىڭ ناقتى سەكتورى اراسىنداعى بايلانىستىرۋشى بۋىنعا اينالىپ, ەلدىڭ عىلىمي-تەحنولوگيالىق دامۋىن باسقارۋدا دەرەكتەر مەن اناليتيكانىڭ ءرولىن كۇشەيتۋمەن قاتار عىلىم سالاسىنا وزىق حالىقارالىق تاجىريبەلەردى ترانسفەرتتەۋگە جول اشادى.
PhD كوبەيدى, بىراق عىلىم العا جىلجىپ جاتقان جوق: سەبەپ نەدە؟
