ورتا سالماقتا WBA (Super), IBO, WBC جانە IBF نۇسقالارى بويىنشا الەم چەمپيونى گەننادي گولوۆكين (36-0, 33 كو) گيننەستىڭ رەكوردتار كىتابىنا ەندى, دەپ حابارلادى vesti.kz
گولوۆكين بۇل اتاققا قارسىلاستارىن كوبىرەك نوكاۋتپەن جەڭگەنىنىڭ ارقاسىندا يە بولدى. قازاقستاندىق بوكسشىنىڭ ەنشىسىندە 36 كەزدەسۋدە 36 جەڭىس, ونىڭ 33-ءىن نوكاۋتپەن جەڭگەن. وسىلايشا, ونىڭ پايىزدىق كورسەتكىشى 91,67-گە تەڭ. بۇل ورتا سالماقتاعى الەم چەمپيوندارىنىڭ اراسىنداعى ۇزدىك ناتيجە بولىپ ەسەپتەلەدى.
گيننەستىڭ رەكوردتار كىتابىنىڭ كۋالىگىن قازاقستاندىق سپورتشى گولليۆدتا ءوتىپ جاتقان بۇكىلالەمدىك بوكس كەڭەسىنىڭ (WBC) 54-ءشى كونۆەنتسياسىندا الدى. سونىمەن قاتار, بۇل ءىس-شارادا ول قوسىمشا ەكى سىيلىققا يە بولدى. اتالعان كەڭەس بريتانيالىق كەلل برۋكپەن اراداعى جەكپە-جەكتى «جىل وقيعاسى» دەپ تانىدى, سونداي-اق مەرەيى ۇستەم بوكسشى رەتىندە ارنايى سىيمەن ماراپاتتادى.
