ەلوردادا ەكسپو بيلەتتەرى ساتىلاتىن كاسسالار اشىلدى

استانا قالاسىندا ەكسپو-2017 حالىقارالىق كورمەسىنىڭ بيلەتتەرىن كاسسالاردا ساتۋ باستالدى. بيلەت كاسسالارىنىڭ اشىلۋ سالتاناتى ەلورداداعى «كەرۋەن» سوو-دا, «حان-شاتىر» سوو-دا, سونداي-اق «MEGA Park» جانە «الماتى MEGA ورتالىعى» سوو-دا ءوتتى. ايتا كەتەرلىگى, كورمە بيلەتتەرىن ونلاين ساتۋ وسى جىلدىڭ 10 ماۋسىمىندا, ياعني كورمەگە دەيىنگى ءبىر جىل بۇرىن باستالعان بولاتىن. ەندى بيلەتتەردى تەك رەسمي سايتتان عانا ەمەس, سونداي-اق كاسسالاردان تىكەلەي ساتىپ الۋعا بولادى. جۇمىس كۇندەرى بيلەتتىڭ باعاسى 4000 تەڭگە, دەمالىس كۇندەرى 6000 تەڭگەنى قۇرايدى. ازىرگە اشىق داتالى بيلەت بولعاندىقتان, ياعني كۇندەرى بەلگىلەنبەگەندىكتەن 2000 تەڭگەگە قىمباتتاۋ. ستۋدەنتتەر, وقۋشىلار, كوپ بالالى انالار جانە جەڭىلدىك ساناتىنا كىرەتىن باسقا دا قازاقستاندىقتار ەكسپو-2017 كورمەسىنە 50 پايىز جەڭىلدىكپەن كىرە الادى. ال سوعىس ارداگەرلەرىنە, التى جاسقا دەيىنگى بالالارعا, جەتىم بالالارعا, بارلىق توپتاعى مۇمكىندىگى شەكتەۋلى ازاماتتارعا كىرۋ تەگىن. «ەكسپو-2017» بيلەتتەردى ساتۋ ستراتەگياسى بەلگىلى ءبىر كەزەڭدەرگە نەگىزدەلگەن. 10 ماۋسىمدا ونلاين-ساتۋ, 10 شىلدەدە تۋروپەراتورلار ءۇشىن ەكسپو كورمەسىنە بيلەتتەردى ساتۋ, 10 تامىزدا - رەسەللەرلەر ءۇشىن, ال 1 قىركۇيەكتە سۋباگەنتتىك جەلى ارقىلى بيلەتتەردى ساتۋ باستالدى. قازىر بيلەتتەردى «قازپوشتا» بولىمشەلەرىنەن, قازاقستاننىڭ بارلىق وڭىرلەرىندەگى ناۋwin/مەلومان دۇكەن جەلىلەرىنەن جانە ساۋدا-ويىن-ساۋىق ورتالىقتارىنان, سونداي-اق, استانا جانە الماتىداعى كورمەنىڭ رەسمي بيلەت كاسسالارىنان الۋعا بولادى. 10 ناۋرىزدان باستاپ كاسسالار ەلدىڭ بارلىق 14 وڭىرىندە جۇمىس جاساي باستايدى.