قۇتتىقتاۋلاردا – ىزگى تىلەكتەر

نۇرسۇلتان نازارباەۆتىڭ اتىنا قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي شەت مەملەكەتتەر باسشىلارىنان قۇتتىقتاۋلار كەلىپ تۇسۋدە, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. مەرەكەلىك جەدەلحاتتاردا ەلدىڭ وتكەن كەزەڭ­دەگى تابىستارى جانە قازاقستان پرەزيدەنتىنىڭ ەگەمەن مەملەكەت قالىپتاستىرۋ مەن دامىتۋداعى ءرولى اتاپ كورسەتىلەدى. بەلارۋس پرەزيدەنتى الەكساندر لۋكاشەنكو قا­زاقستان باسشىسىن ءبىزدىڭ رەسپۋبليكا تاري­حىنداعى ايتۋلى كۇنمەن شىن جۇرەكتەن قۇتتىقتايدى. «ءسىزدىڭ باسشىلىعىڭىزبەن وسى جىلدارى كۇشتى مەملەكەت, سونداي-اق جاڭا سەرپىندى ەكونوميكا قۇرىلدى. قوعامدىق كەلىسىم مەن جاۋاپكەرشىلىكتى سىرتقى ساياسي باعىت ەلدىڭ جوعارى حالىقارالىق بەدەلىن قامتاماسىز ەتتى. بەلارۋس-قازاقستان بايلانىستارىن دوس­تىق جانە ءوزارا تۇسىنىستىك نەگىزىندە جان-جاقتى نىعايتۋ ءبىزدىڭ ەلدەرىمىز حالىقتارىنىڭ ۇمتىلىستارىنا تولىق كولەمىندە جاۋاپ بەرەتىنىنە سەنىمدىمىن», – دەپ اتاپ وتىلەدى بەلارۋس پرەزيدەنتىنىڭ قۇتتىقتاۋىندا. سينگاپۋر رەسپۋبليكاسىنىڭ پرەزيدەنتى توني تان كەنگ يام ەكى ەل اراسىندا قالىپتاسقان دوستىق راۋىشتەگى قارىم-قاتىناستار ءوزارا ءىس-قيمىلداردى ەكونوميكانىڭ ءتۇرلى سالالارىندا دايەكتىلىكپەن دامىتىپ كەلە جاتقانىن اتاپ كورسەتەدى. «نۇرسۇلتان نازارباەۆتىڭ تىكەلەي باسشى­لى­عىمەن رەسپۋبليكا بۇعان دەيىن بولىپ كورمەگەن ناتيجەلەرگە قول جەتكىزدى. قازاقستان وڭىرلىك بەيبىتشىلىك پەن تۇراقتىلىققا قوسىپ كەلە جاتقان ۇلەسىنىڭ ارقاسىندا حالىقارالىق ارەنادا ماڭىزدى ءرول اتقارادى. سينگاپۋر الداعى جىلى وتەتىن ەكسپو-2017 حالىقارالىق كورمەسىنىڭ اشىلۋىن تاعاتسىزدانا كۇتىپ وتىر جانە وعان بەلسەندى تۇردە قاتىساتىن بولادى», – دەلىنگەن سينگاپۋر پرەزيدەنتىنىڭ حاتىندا. بەلگيا كورولى فيليپپ ءوزىنىڭ قۇتتىق­تاۋىن­دا ءبىزدىڭ ەلدەرىمىزدىڭ اراسىنداعى ىنتىماق­تاستىقتى ءارى قاراي نىعايتۋ ناتيجەسى ەكى ەل حالىقتارىنىڭ مۇددەسىنە قىزمەت ەتەتىنىنە ءۇمىت بىلدىرەدى. اۆستراليانىڭ گەنەرال-گۋبەرناتورى پيتەر كوسگروۋۆ قازاقستاندىقتاردى مەرەيتويلى داتامەن, سونداي-اق رەسپۋبليكانىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋىمەن قۇتتىقتايدى. «25 جىل ىشىندە قازاقستان مەن اۆسترا­ليا ءتۇرلى سالادا ايتارلىقتاي ءتيىمدى ىنتى­ماق­تاستىق قالىپتاستىردى. مەن ەكىجاقتى قارىم-قاتىناستاردى ءارى قاراي دا نىعايتۋ ماقسا­تىندا ءبىزدىڭ بارلىق قاجەتتى شارانى قابىل­دايتىنىمىزعا سەنەمىن», – دەپ اتاپ وتىلەدى اۆستراليا گەنەرال-گۋبەرناتورىنىڭ حاتىندا. قازاقستان حالقىنا يگىلىك پەن ءوسىپ-وركەندەۋ تىلەگەن مازمۇنداعى تاۋەلسىزدىك كۇنىمەن قۇتتىقتاۋلار, سونداي-اق نيدەرلاند كورولى ۆيللەم-الەكساندر مەن رۋمىنيا پرەزيدەنتى كلاۋس ۆەرنەر يوحانيستەن دە كەلدى.