پارلامەنتارالىق ارىپتەستىك جايى قارالدى

قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ رەسەي فەدەراتسياسى مەملەكەتتىك دۋماسىنىڭ توراعاسى ۆياچەسلاۆ ۆولودينمەن كەزدەستى, دەپ حابارلادى سەناتتىڭ ءباسپاسوز قىزمەتى. ق.توقاەۆ رەسەيلىك دەپۋتاتتاردى كونستيتۋتسيا كۇنىمەن جانە ءوز ەلدەرىندەگى پارلامەنتتىك سايلاۋدىڭ تابىستى وتۋىمەن قۇتتىقتادى. توراعا رەسەيلىك پارلامەنتتىڭ قازىرگى قۇرامى رەسەي فەدەراتسياسىنىڭ ەكونوميكالىق الەۋەتى مەن ونىڭ حالىقارالىق ورنىن نىعايتۋ جونىندەگى بارلىق مىندەتتەردى ناتيجەلى اتقاراتىنىنا سەنىم ءبىلدىردى. قازاقستان تاۋەلسىزدىگىنىڭ 25 جىلدىعى اياسىندا ق.توقاەۆ ەكى مەملەكەت تە وسى قىسقا مەرزىمدە ءجۇز جىلعا تاتيتىن جولدان وتكەنىن اتاپ ءوتتى. «مەملەكەت باسشىلارىنىڭ كۇش-جىگەرى ارقاسىندا قازاقستان مەن رەسەي اراسىنداعى ىنتىماقتاستىق ستراتەگيالىق ارىپتەستىك پەن وداقتاستىق قاتىناستار ساتىسىنا شىقتى», – دەدى ول. ق.توقاەۆ ەكىجاقتى ىنتىماقتاستىقتاعى, ونىڭ ىشىندە مەملەكەتارالىق ماڭىزدى قۇجاتتاردى ۋاقىتىندا راتيفيكاتسيالاۋ ارقىلى وڭ وزگەرىستەرگە قول جەتكىزۋدەگى قازاقستان مەن رەسەي پارلامەنتتەرىنىڭ زور ءرولىن اتاپ ءوتتى. توراعا قازاقستان مەن رەسەيدىڭ پارلامەنتارالىق ۇنقاتىسۋىن ودان ءارى نىعايتۋدى, اسىرەسە, دۇنيە جۇزىندەگى پارلامەنتاريزمنىڭ ءرولى ارتىپ كەلە جاتقاندا ۋاقىتتىڭ ءوزى تالاپ ەتىپ وتىرعانىن ايتتى. ق.توقاەۆتىڭ ايتقاندارىمەن كەلىسە وتىرىپ, ۆ.ۆولودين قازاقستاندىق دەپۋتاتتاردى ەلىمىز تاۋەلسىزدىگىنىڭ 25 جىلدىعىمەن قۇتتىقتادى: «ءبىزدىڭ پارلامەنتتىك قاتىناستاردىڭ ەرەكشە سيپاتى ەسكەرىلە وتىرىپ, ودان ءارى دامي بەرەدى. بۇل قازاقستان مەن رەسەي اراسىنداعى ستراتەگيالىق ارىپتەستىك قاتىناستاردى پاش ەتەدى», دەدى ۆ.ۆولودين.