«وڭتۇستىكتىڭ» قولداۋى

«وڭتۇستىك» ايماقتىق ينۆەستيتسيالىق ورتالىعى 2009 جىلدان بەرى 14 مىڭعا جۋىق جوباعا قولداۋ جاساپ, جۇمىس جاسايمىن دەگەندەردىڭ قولىنا بالىق ەمەس, قارماق ۇستاتتى. بۇعان دەيىن «ماكسيمۋم» ايو اتالىپ كەلگەن ورتالىق كۇنگەي ايماقتىڭ ءيميدجىن كوتەرۋ ءۇشىن «وڭتۇستىك» اتىنا اۋىستىرىلعان ەدى. وقو ايماقتىق كوممۋنيكاتسيالار قىزمەتىندە وتكەن بريفينگتە «وڭ­تۇس­تىك» ايو توراعاسى ارمان دا­ناەۆ ءبۇ­گىنگە دەيىن جالپى سوماسى 5 429,9 ملن تەڭگە بولاتىن 4 114 جۇ­مىس ورنى اشى­لاتىن 1 608 جوبا قار­جى­لان­دى­رى­ل­عانىن ايتتى. اتالعان جوبالار ىسكە قو­سىلعان ۋاقىتتا جىل سايىن 23 ملرد تەڭ­گەنىڭ ءونىمى وندىرىلەدى دەپ جوس­پار­لا­نۋدا. «وڭتۇستىك» ايو يندۋس­تريالان­دى­رۋ كار­تاسىنا ەنگەن 6 جوبا, مال شا­رۋ­ا­­شى­لىعىن دامىتۋ باعىتىندا 661, كوك­­تەم­گى دالا جۇمىستارى بويىنشا 839, ينتەن­سيۆتى باۋ شارۋاشىلىعى بويىن­شا 2 جوبا, ال اۋىلشارۋاشىلىق ءونىم­دەرىن قايتا وڭدەۋ سالاسى بويىنشا 3 جوبا جانە باسقا دا باعىتتاردا 97 جوباعا قارجىلاي قولداۋ كورسەتكەن. جالپى, 2009-2016 جىلدارى «وڭ­تۇستىك» ايماقتىق ينۆەستيتسيالىق ورتا­لىعى مەن ەنشىلەس «ىرىس» ميكروقارجى ۇيىمى بىرلەسە وتىرىپ جالپى قۇنى 41 889 ملن تەڭگەنى قۇرايتىن 13 921 جوبا­نى قارجىلاندىردى. ناتيجەسىندە 36 419 جاڭا جۇمىس ورنى اشىلدى. 2016 جىلى ورتالىق قارجى­لان­دىر­عان جوبالارىنىڭ اۋدان, قا­لا كە­سىندىسى بويىنشا قازىرگى تاڭدا وردا­با­­سى اۋدانى ەڭ جوعارى كورسەتكىشپەن ءتىر­­كەلىپ وتىر. ياعني بيىل اتالعان اۋدان­دا 126 جو­با 1 214,0 ملن تەڭگەگە نە­سيە­لەن­دى­رىل­گەن. سونداي-اق, كومپانيا باسشىلىعى ال­دا­عى جىلعا ءوز الدىنا بىرقاتار ءمىن­دەت­­تەمەلەر مەن جوسپارلار قويىپ وتىر­عان­­د­ى­عىن ءمالىم ەتتى. ايتىلعان دەرەكتەر بويىنشا, ورتالىق قوسىمشا ەكى جا­ڭا باعدارلاما ازىرلەپ ۇسىنۋدى جوسپارلاپ وتىر. ولار – اۋىلشارۋاشىلىق ءونىم­­دەرىن وڭدەۋ جانە بيزنەس ينكۋباتور باعدارلامالارى. باقتيار تايجان, «ەگەمەن قازاقستان» وڭتۇستىك قازاقستان وبلىسى